Yaren

Yaren is die de facto hoofstad van die eilandnasie Nauru en het 'n bevolking van 747 in 2011 gehad en 'n oppervlakte van 1,5 km². De jure het Nauru geen hoofstad of stede nie en net die parlement en regering van Nauru is in die distrik Yaren geleë. Dit is aan die suidwestelike kus van dié eiland geleë. Dit is aan die suidwestelike kus van dié eiland geleë. [1][2]

Yaren

Kaart Wapen
Vlag
 Land Vlag van Nauru Nauru
 Distrik Yaren
 Koördinate 00°33′S 166°55′O
 Stigting
 Oppervlakte:  
 - Totaal 1,5 vk km
 Hoogte bo seevlak 25 m
 Bevolking:  
 - Totaal (2011) 747
 - Bevolkingsdigtheid 498/vk km
 Tydsone UTC +12
 - Somertyd UTC +12

Nauru as klein land

Met 'n oppervlakte van net 21 km² is Nauru die derde kleinste land ná die Vatikaanstad en Monaco, die kleinste land in die Stille Oseaan en Oseanië, die kleinste land buite Europa, die kleinste eilandnasie, en die kleinste republiek. Daarbenewens het dit met 'n bevolking van 11 200 (in 2018) die wêreld se derde kleinste bevolking, ná die Vatikaanstad en Tuvalu.

As gevolg van sy sterk afhanklikheid van Australië word Nauru dikwels as 'n soort satellietstaat beskou.[3][4][5]

Geskiedenis

Die distrik is in 1968 gestig. Die oorspronklike naam Makwa (of Moqua) verwys na Moqua-put, 'n ondergrondse meer en primêre bron van drinkwater vir die Nauruan-mense. [6]

Geografie

Yaren is in die suide van die eiland geleë. Die oppervlakte is 1,5 km², en sy hoogte was 25 meter vanaf 2007. In die noorde van Yaren is Buada, in die ooste is Meneng en in die weste is Boe.[7]

Administrasie

Yaren (en soms ook Aiwo) word gewoonlik as die hoofstad van Nauru gelys, maar dit is verkeerd; die republiek het nie stede of 'n amptelike hoofstad nie. Yaren word deur die Verenigde Nasies as die "hoofdistrik" aanvaar.

Engels en Nauruaans, die amptelike tale van Nauru, word in die distrik gepraat.

Regerings- en administratiewe geboue

Die volgende regeringskantore is in hierdie distrik geleë:

  • die Parlementshuis
  • die aardstasie
  • die administrasiekantore
  • die polisiekantoor
  • die brandweerstasie
  • die Nasionale Stadion
  • die Australiese hoë kommissaris en die Taiwannese ambassade
  • die Nauru Internasionale Lughawe, lugterminale en hoofkantoor van Nauru Airlines[8]

Belangrikste besienswaardighede
Kaart van die Yaren Distrik

Die Moqua-put is in Yaren geleë. Dit is nie ver van die Nauru Internasionale Lughawe nie en is 'n verborge grot waarvan omtrent net plaaslike inwoners weet. Dit is taamlik begroei en het baie graffiti op die rotsmure, maar dit het 'n pragtige versteekte grot met 'n ondergrondse water / dam. Die water is 'n mengsel van vars- en soutwater. Die seewater styg wanneer die gety inkom, maar moet deur 'n ondergrondse watertafel gaan.[9]

Die res van die eiland se besienswaardighede is op loopafstand, want hierdie Mikronesiese eiland is slegs 8 vierkante kilometer groot. Nadat dit deur die Japannese beset is tydens die Tweede Wêreldoorlog, bied 'n hedendaagse wandeling langs die kus besoekers die kans om talle bunkers en skietsterkpunte wat nog oorleef, te verken. In die binneland het die fosfaatvelde, geskep deur jarelange strookmynbou, die eiland met 'n byna maanskoonheid gelaat.[10]

Onderwys

Die laerskole en sekondêre skole wat die hele Nauru bedien, is die Laerskool Yaren in die distrik Yaren (jaar 1-3), die Laerskool Nauru in die distrik Meneng (jaar 4-6), die Nauru College in die distrik Denigomodu (die jare 7-9) en Nauru Sekondêre skool (jaar 10-12) in die distrik Yaren. [11]

Die Nauru Learning Village in Yaren huisves die Universiteit van die Suid-Stille Oseaan Nauru-kampus, die Nauru-opleidingsentrum vir tegniese en beroepsgerigte onderwys en Nauru Sekondêr. [12]

Persoonlikhede
  • Kieren Keke (geb. 1971), politikus en mediese dokter
  • Charmaine Scotty, politikus
  • Dominic Tabuna (1980), politikus

Verwysings
  1. Constituencies of Nauru (naurugov.nr)
  2. "Yaren | district, Nauru". Encyclopedia Britannica (in Engels). Besoek op 2 September 2019.
  3. "Pacific correspondent Mike Field". Radio New Zealand (in Engels). 18 Junie 2015. Geargiveer vanaf die oorspronklike op 21 Februarie 2020. Besoek op 28 Augustus 2019.
  4. "Nauru's former chief justice predicts legal break down". SBS News (in Engels). Special Broadcasting Service. 13 Maart 2014. Geargiveer vanaf die oorspronklike op 26 Februarie 2020. Besoek op 28 Augustus 2019.
  5. Ben Doherty (28 Oktober 2015). "This is Abyan's story, and it is Australia's story". The Guardian (in Engels). Geargiveer vanaf die oorspronklike op 2 Januarie 2020. Besoek op 28 Augustus 2019.
  6. "Moqua Caves and Moqua Well", Gatis Pāvils, 30 Oktober 2011.
  7. 313728509|Yaren
  8. "Contact." Nauru Airlines. Besoek op 5 Julie 2018. "HEAD OFFICE Nauru International Airport PO Box 40 Republic of Nauru"
  9. Moqua, Tripadvisor, https://www.tripadvisor.com/Attraction_Review-g294128-d8555887-Reviews-Moqua_Well-Yaren.html Besoek op 30 Desember 2020.
  10. Explore Yaren, Tripadvisor, https://www.tripadvisor.in/Tourism-g294128-Yaren-Vacations.html, Besoek op 30 Desember 2020.
  11. Document by the." OHCHR. Besoek op 8 Julie 2018. Die onderwysstelsel bestaan uit tien skole, daar is distrik-kleuterskole elk [...] en laastens die Nauru Sekondêre Skool (jaar 10-12) waar die verpligte onderwys eindig na Jaar 12.[...]"
  12. "USP opens new Nauru Campus Geargiveer 4 Julie 2018 op Wayback Machine." University of the South Pacific. Besoek op 5 Junie 2018.

Eksterne skakels


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.