Wuchiapingium
Die Wuchiapingium is ’n chronostratigrafiese etage sowel as ’n geologiese tydsnede in onderskeidelik die sisteem en periode Perm (epog/serie Lopingium). Dit verwys dus na ’n tydperk sowel as die gesteentes wat in dié tydperk gevorm het.
| Periode/ sisteem |
Epog/ serie |
Tydsnede/ etage |
M. jaar gelede |
|---|---|---|---|
| Trias | Vroeg | Indusium | jonger |
| Perm | Lopingium | Changhsingium | 252,2–254,1 |
| Wuchiapingium | 254,1–259,8 | ||
| Guadalupium | Capitanium | 259,8–265,1 | |
| Wordium | 265,1–268,8 | ||
| Roadium | 268,8–272,3 | ||
| Sisuralium | Kungurium | 272,3–283,5 | |
| Artinskium | 283,5–290,1 | ||
| Sakmarium | 290,1–295,0 | ||
| Asselium | 295,0–298,9 | ||
| Karboon | Pennsylvanium | Gzhelium | ouer |
| Die verdeling van die Perm (IKS). | |||
Die tydperk was van sowat 259,8 tot 254,1 miljoen jaar gelede.[1] Dit is voorafgegaan deur die Capitanium en gevolg deur die laaste etage/tydsnede van die Perm, die Changhsingium.
Naam en definisie
Die tipeligging van die Wuchiapingium kom voor in die Suid-Chinese provinsie Guǎngxī.[2] Die basis van die etage word gedefinieer deur die eerste voorkoms van die Conodonta Clarkina postbitteri postbitteri en die bokant deur die eerste voorkoms van die Conodonta Clarkina wangi.
In die stratigrafie van Europa val die einde van ’n lang periode waarin kontinentale afsettings voorkom, in die Wuchiapingium. Daarbenewens het in Midde-Europa (destyds deel van die superkontinent Pangea) ’n indringing van die see vanuit die noorde plaasgevind.
Verwysings
- Gradstein et al. (2012)
- Jin et al. (2006)
Bronne
- (en) Gradstein, F.M.; Ogg, J.G.; Schmitz, M.D. & Ogg, G.M.; 2012: A Geologic Time Scale 2012, Elsevier, ISBN 0-444-59425-6.
- (en) Jin, Y.; Shen, S.; Henderson, C.M.; Wang, X.; Wang, W.; Wang, Y.; Cao, C. & Shang, Q.; 2006: The Global Stratotype Section and Point (GSSP) for the boundary between the Capitanian and Wuchiapingian Stage (Permian)., Episodes 29(4), p. 253-262.