Ekonomiese streek Wolga-Wjatka

Die ekonomiese streek Wolga-Wjatka (Russies: Во́лго-Вя́тский экономи́ческий райо́н, Wolgo-Wjatski ekonomitsjeski rajon) is een van 12 ekonomiese streke van Rusland. Die middelpunt van die ekonomie is masjienbou, met motor-, skeepsbou-, lugvaart-, elektroniese en gereedskapsnywerhede. Die grootste stede is Nizjni Nowgorod, Kirof, Tsjeboksari, Saransk en Josjkar-Ola.

Die ekonomiese streek Wolga-Wjatka in Rusland.

Die streek is 265 400 km2 groot en dus min of meer so groot soos die Verenigde Koninkryk. Die bevolking is net minder as 8 miljoen volgens die 2002-sensus. Sowat 70 persent van die mense woon in die stede en die gemiddelde bevolkingsdigtheid is 30/km2.

Deelgebiede

Die volgende deelgebiede val in die streek:

  1. Kirof-oblast
  2. Mari El
  3. Mordowië
  4. Nizjni Nowgorod-oblast
  5. Tsjoewasjië

Verwysings
    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.