Witvis
Die witvis (Barbus andrewi) is 'n vis wat in die Bergrivier en die Breederivier-stelsels in Suid-Afrika voorkom. In Engels staan die vis bekend as die Berg-Breede river whitefish, soms ook as die Cape whitefish.
| Witvis | |
|---|---|
 | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | |
| Genus: | Barbus (betwis) |
| Spesie: | B. andrewi |
| Binomiale naam | |
| Barbus andrewi Barnard, 1937 | |
Voorkoms
Die onvolwasse vissies is silwer met onreëlmatige vlekke op terwyl die volwasse visse donker olyfkleurig is aan die bokant, goudkleurig aan die kante en roomkleurig aan die onderkant. Die vis word tot 60 cm lank en die Suid-Afrikaanse hengelrekord is 3,407 kg.
Habitat
Die vis leef in diep rotspoele van groter sytakke en hoofstrome. Hulle oorleef ook in die Voëlvlei- en Groter Brandvleidamme. Die vis vreet ongewerweldes wat op die bodem voorkom asook alge. Hulle broei in die somer. Die eiers word in vloeiende water gelê en broei na ongeveer vyf dae uit.
Sien ook
Bron
- A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1