Witsteenbras
Die witsteenbras (Lithognathus lithognathus) is 'n bedreigde vis wat endemies is aan Suider-Afrika en van Angola tot by die Tugelarivier voorkom. In Engels staan die vis bekend as die White steenbras.
| Witsteenbras | |
|---|---|
 | |
Wetenskaplike klassifikasie  | |
| Domein: | Eukaryota |
| Koninkryk: | Animalia |
| Filum: | Chordata |
| Klas: | Actinopterygii |
| Orde: | Perciformes |
| Familie: | Sparidae |
| Genus: | Lithognathus |
| Spesie: | L. lithognathus |
| Binomiale naam | |
| Lithognathus lithognathus (Cuvier, 1829) | |
Voorkoms
Die vis se kop en lyf is silwer met sewe vertikale donker strepe oor die lyf. Die vis word maksimaal 1,5 m lank en weeg dan ongeveer 30 kg.
Habitat
Die vis verkies vlak water oor sand en naby rotsriwwe in water wat 1–25 m diep is. Die volwasse visse van die Wes-Kaap migreer na die Oos-Kaap gedurende Junie tot Augustus om daar kuit te skiet en in die somer keer hulle terug. Dit is 'n gesogte eet- en hengelvis, maar die aanteelbevolking is egter onder bedreiging, veral weens onwettige treknetvangste onder broeikolonies in Valsbaai.[2]
Die spesie is as 'n prioriteit geïdentifiseer vir navorsing, bestuur en bewaring in 'n nasionale lynvis-statusverslag.[3]
Sien ook
Verwysings
- Mann, B.Q.; Buxton, C.D.; Pollard, D.; Carpenter, K.E.; Iwatsuki, Y. (2014). "Lithognathus lithognathus". IUCN Red List of Threatened Species. 2014: e.T12137A505458. doi:10.2305/IUCN.UK.2014-3.RLTS.T12137A505458.en. Besoek op 19 November 2021.
- Skakel na onwettige vangste van witsteenbras
- Bennett, Rhett Hamilton. 2012. Movement patterns, stock delineation and conservation of an overexploited fishery species, Lithognathus Lithognathus (Pisces: Sparidae). Doktorale tesis - PhD. Grahamstad: Rhodes-universiteit
Bronne
- Ensiklopedie van Suidelike Afrika, Eric Rosenthal, 1967
- Coastal Fishes of Southern Africa. Phil & Elaine Heemstra. 2004. ISBN 1-920033-01-7