Witborskormorant

Die Witborskormorant of Witborsduiker (Phalacrocorax lucidus) is 'n watervoël, hoofsaaklik kuslewend, wat aan die hele Suid-Afrikaanse kus voorkom, asook binnelands, hoofsaaklik op damme en mere. In Engels staan die voël bekend as die White-breasted Cormorant.

Kormorant by Plettenbergbaai, Suid-Afrika

Witborskormorant
Witborskormorant by die Naivashameer in Kenia
Wetenskaplike klassifikasie
Domein:
Eukaryota
Koninkryk:
Animalia
Filum:
Chordata
Klas:
Aves
Orde:
Suliformes
Familie:
Phalacrocoracidae
Genus:
Phalacrocorax
Spesie:
P. lucidus
Binomiale naam
Phalacrocorax lucidus
(Lichtenstein, 1823)

Voorkoms

Hierdie kormorant het 'n donkerbruin rugkant en stert, wit keel en bors terwyl alle vlerkvere swart rande het. Die onvolwassenes is 'n effens ligter bruin van kleur sonder enige wit op die bors.

Habitat en gewoontes

Hulle kom veral voor by riviermondings, strandmere, eilande en binnelandse waters. Die voëls kan enkellopend wees of in swerms voorkom. Hulle sit graag op takke of stompe met die vlerke uitgestrek om droog te word. Hulle vreet hoofsaaklik vis en maak nes in kolonies op rotslyste, in bome of op die grond.

  • 'n Neskolonie in iSimangaliso-vleilandpark, Suid-Afrika
    'n Neskolonie in iSimangaliso-vleilandpark, Suid-Afrika
  • Volwasse broeiers, Lake Edward, Uganda
    Volwasse broeiers, Lake Edward, Uganda
  • Hierdie een speel met 'n veer, Ethiopië.
    Hierdie een speel met 'n veer, Ethiopië.
  • Invlug met nesmateriaal
    Invlug met nesmateriaal
  • Witborsduiker met uitgegroeide kleintjie in Wes-Kaap
    Witborsduiker met uitgegroeide kleintjie in Wes-Kaap

Sien ook

Bronne
  • Gids tot die Kusgebiede van Suid-Afrika. Jacana Media. 2007. ISBN 978-1-77009-215-0
  • Newman se Voëls volgens kleur. Kenneth Newman. 2000. ISBN 1-86872-449-2
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.