Winterberge
Die Winterberge is 'n uitgebreide oos-wes-bergreeks en lê net noord van die klein dorpies Bedford, Adelaide en Fort Beaufort in die Oos-Kaapprovinsie van Suid-Afrika. Die berg se gemiddelde hoogte is ongeveer 1 800 meter bo seevlak. Die Groot Winterberg se piek is noord van Adelaide en styg tot 2 371 meter, hoog genoeg om soms bedek te word met sneeu. Die onderliggende geologie bestaan uit skalie en sandsteen van die Beaufort-reeks van die Karoosisteem, dikwels met dolerietintrusies. Reënval is redelik hoog langs die suidelike hange (wat na die see toe front). 'n Indrukwekkende pas oor die bergreeks is die Katbergpas wat deur Andrew Geddes Bain gebou is in 1860–1864.
| Winterberge | |
|---|---|
| Ligging | Oos-Kaap, Suid-Afrika |
| Hoogte | 2371 meter bo seevlak |
| Reeks | Drakensberg |
| Koördinate | 32°39′0″S 26°17′0″O |
| Bergtipe | Sandsteen met doloriet intrusies. |
| Rotsouderdom | Neoargeaans tot vroeg-Paleoproterosoïes |
  Winterberge |
|
Bron
- Standard Encyclopaedia of Southern Africa (NASOU 1973)
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.