William Archer Way

William Archer Way (1869 – 1928) was 'n Suid-Afrikaanse digter en opvoedkundige. Hy is 1869 in Devonshire gebore. Op 22-jarige ouderdom arriveer hy in die Kaapkolonie en 1891 word hy die eerste vise-prinsipaal van Dale-kollege in King William's Town, vanaf 1897 tot 1910 was hy die prinsipaal van die Graaff-Reinet-Kollege en daarna prinsipaal van Hoërskool Grey in Port Elizabeth. Hy was ook 'n skrywer van redelike verdienste en het 'n beperkte aantal boeke gepubliseer. Hy is op 19 Februarie 1928 oorlede.