Wilbur Smith

Wilbur Addison Smith (gebore op 9 Januarie 1933[1] - 13 November 2021) was 'n Zambies-Suid-Afrikaanse romanskrywer. Hy het in historiese fiksie oor Suider-Afrika gespesialiseer, beskou vanuit die gesigspunt van beide swart en wit gesinne. Hy was aanvanklik 'n rekeningkundige.

Wilbur Smith
Smith teken The Quest roman
Gebore(1933-01-09)9 Januarie 1933
Broken Hill, Noord-Rhodesië
Sterf13 November 2021 (op 88)
Kaapstad, Suid-Afrika
BeroepSkrywer
Webwerfwilbursmithbooks.com

Na die verskyning van sy eerste roman getiteld When the Lion Feeds het hy 'n filmkontrak losgeslaan. Die internasionale sukses van When the Lion Feeds het hom aangemoedig om voltyds skrywer te word.

Hy het tot aan die einde sy uitgewer, Charles Pick, se raad toegepas dat mens moet skryf oor dinge wat jy die beste ken.

Wilbur Smith se werk bevat outentieke besonderhede oor die plaaslike jag- en mynbouleefwyse, sowel as die romantiek en konflik wat daarmee gepaard gaan.

Met ingang 2014 is daar wêreldwyd meer as 120 miljoen eksemplare van sy 35 gepubliseerde romans verkoop, waarvan 24 miljoen in Italië was.[2]

Vroeë lewe

Smith is gebore in Broken Hill, Noord-Rhodesië (nou Kabwe, Zambië). As baba was hy tien dae lank siek aan malaria, maar hy het ten volle herstel.[3] Hy het die eerste jare van sy lewe op sy pa se veeplaas van 12 000 hektaar deurgebring, wat bosveld, heuwels en savanne insluit.

Op die plaas was sy metgeselle die jong seuns van die plaaswerkers wat dieselfde belangstellings as hy gehad het. Hy het saam met hulle deur die bos gewandel, gejag en voëls en klein soogdiere dopgehou en gevang.

Sy belangstelling in letterkunde is geprikkel deurdat sy moeder dikwels saans vir hom sprokies voorgelees het en later vir hom romans gegee het om te lees. Dit het sy belangstelling in fiksie op 'n vroeë ouderdom geprikkel. Sy vader het egter nie baie van sy seun se belangstelling gedink nie.

Persoonlike lewe

Terwyl Smith na skool vir sy pa gewerk het, het hy op 5 Julie 1957 in Harare, Zimbabwe, met sy eerste vrou, Anne, in 'n Presbiteriaanse kerk in die huwelik getree. Daar is twee kinders ('n seun genaamd Shaun en 'n dogter genaamd Christen) uit die huwelik gebore. Die huwelik is in 1962 beëindig.

Hy het na die publikasie van sy eerste roman in 1964 met sy tweede vrou, Jewel, getrou. By Jewel het hy 'n seun (Lawrence) gehad. Ongelukkig het hierdie huwelik ook in 'n egskeiding geëindig.[4]

Smith het hierna 'n jong weduwee genaamd Danielle Thomas ontmoet, wat op dieselfde dorp gebore is. Hulle het in 1971 getrou. Smith het sy boeke aan haar gewy; in 1999 sterf sy ná 'n ses jaar lange stryd aan breinkanker.[5]

Hy het sy vierde vrou, Mokhiniso Rakhimova, destyds 'n regstudent wat aan die Universiteit van Moskou studeer het en 39 jaar jonger as hy is, in 'n WH Smith-boekwinkel in Londen ontmoet. Die twee het verlief geraak en is in Mei 2000 getroud.

Toe Smith met Danielle Thomas getroud was, het hy kontak met sy seun Shaun en dogter Christen verbreek. Hy is ook vervreem van sy seun Lawrence. Hy het Danielle se seun (Dieter Schmidt) uit 'n vorige verhouding aanvaar en aangeneem. Smith en Shaun het later versoen.[6]

Hy het wonings in Londen, Kaapstad, Switserland en Malta besit.[7] Vir 'n aantal jare het hy 'n huis in Seychelle gehad.[1]

Bibliografie (chronologies)
Jaar Titel Era Reeks
1964 When the Lion Feeds 1860's–1890's – Anglo-Zoeloeoorlog Courtney
1965 The Dark of the Sun 1960's – Kongokrisis –
1966 The Sound of Thunder 1899–1906 – Anglo-Boereoorlog Courtney
1968 Shout at the Devil 1913–15 – Eerste Wêreldoorlog –
1970 Gold Mine 1960's –
1971 The Diamond Hunters laat-1960's –
1972 The Sunbird modern tye/antieke tye –
1974 Eagle in the Sky moderne tye –
1975 The Eye of the Tiger moderne tye –
1976 Cry Wolf 1935 – Italiaanse inval van Ethiopië, Tweede Italiaans-Abessiniese Oorlog –
1977 A Sparrow Falls 1918–1925 – Eerste Wêreldoorlog, Randse Rebellie Courtney
1978 Hungry as the Sea moderne tye –
1979 Wild Justice ( in die VSA bekend as The Delta Decision) moderne tye –
1980 A Falcon Flies 1860's – blanke besetting van Rhodesië Ballantyne
1981 Men of Men 1870s–1890s – Eerste Matabele-oorlog Ballantyne
1982 The Angels Weep 1ste deel 1890's – Tweede Matabele-oorlog
2de deel 1977 – Rhodesiese Bosoorlog		 Ballantyne
1984 The Leopard Hunts in Darkness 1980's – Zimbabwe Ballantyne
1985 The Burning Shore 1917–1920 – Eerste Wêreldoorlog Courtney
1986 Power of the Sword 1931–1948 – Tweede Wêreldoorlog Courtney
1987 Rage 1950's en 1960's Courtney
1989 A Time to Die 1987 – Mosambiekse Burgeroorlog Courtney
1990 Golden Fox 1969–1979 – Grensoorlog, Kubaanse betrokkenheid in Angola Courtney
1991 Elephant Song moderne tye –
1993 River God Antieke Egipte Egipties
1995 The Seventh Scroll moderne tye Egipties
1997 Birds of Prey 1660's Courtney
1999 Monsoon 1690's Courtney
2001 Warlock Antieke Egipte Egipties
2003 Blue Horizon 1730's Courtney
2005 The Triumph of the Sun 1880's – Beleg van Khartoem Courtney & Ballantyne
2007 The Quest Antieke Egipte Egipties
2009 Assegai 1906–1918 Courtney
2011 Those in Peril moderne tye Hector Cross
2013 Vicious Circle moderne tye Hector Cross
2014 Desert God Antieke Egipte Egipties
2015 Golden Lion 1670's, Oos-Afrika (met Giles Kristian) Courtney
2016 Predator moderne tye (met Tom Cain) Hector Cross
2016 Pharaoh Antieke Egipte Egipties
2017 War Cry 1918–1939 (met David Churchill) Courtney
2017 The Tiger's Prey 1700's (met Tom Harper) Courtney
2018 Courtney's War 1939-1945 Tweede Wêreldoorlog (met David Churchill) Courtney[8]
2019 King of Kings 1880–1890's (met Imogen Robertson) Courtney & Ballantyne[8]
2019 Ghost Fire 1754 (met Tom Harper) Courtney[8]
2020 Legacy of war – Courtney[9]

Lys van Wilbur Smith se boeke in Afrikaanse vertaling (nie volledig nie)

Benewens vorige vertalings in Afrikaans, is Smith se werk onlangs deur Zirk van den Berg vertaal. [10]

Engelse titel Afrikaanse titel Vertaler Oorspronklike jaar van publikasie Publikasiejaar van Afrikaanse uitgawe
When the Lion Feeds Witwatersrand[11] – 1964 2014
The Sound of Thunder Donderslag Zirk van den Berg 1966 2015
A Sparrow Falls Wildernis Zirk van den Berg 1977 2017[12]
Gold Mine Goudmyn Zirk van den Berg 1970 2017

Verwysings
  1. Fox, Chloe (28 April 2007). "The world of Wilbur Smith, novelist". Daily Telegraph (in Engels). Geargiveer vanaf die oorspronklike op 31 Maart 2019. Besoek op 14 Maart 2013.
  2. "Wilbur Smith -" (in Italiaans). Geargiveer vanaf die oorspronklike op 29 September 2016. Besoek op 5 Mei 2015.
  3. "Early Days". Wilbur Smith Books (in Engels). Geargiveer vanaf die oorspronklike op 29 Junie 2017. Besoek op 14 Maart 2013.
  4. "Passion and piracy with Wilbur Smith". HeraldScotland (in Engels). Geargiveer vanaf die oorspronklike op 11 November 2018. Besoek op 25 November 2017.
  5. "Worst Days". Wilbur Smith Books (in Engels). Geargiveer vanaf die oorspronklike op 12 September 2018. Besoek op 14 Maart 2013.
  6. Thomas, David (29 Maart 2005). "Wilbur the womanizer". Daily Telegraph (in Engels). Geargiveer vanaf die oorspronklike op 6 Julie 2016. Besoek op 14 Maart 2013.
  7. Anstead, Mark (19 Junie 2010). "Fame & Fortune: Wilbur Smith". Telegraph (in Engels). Geargiveer vanaf die oorspronklike op 13 November 2015. Besoek op 22 Maart 2013.
  8. "The Books | Wilbur Smith".
  9. https://www.wilbursmithbooks.com/books/legacy-of-war. Besoek op 21 Desember 2020
  10. https://maroelamedia.co.za/afrikaans/boeke/boek-donderslag/ Opgespoor en besoek op 18 Desember 2020
  11. http://nb.bookslive.co.za/blog/2014/10/14/wilbur-smith-se-ikoniese-when-the-lion-feeds-nou-beskikbaar-in-afrikaans-as-witwatersrand/ Geargiveer 5 Desember 2021 op Wayback Machine Opgespoor en besoek op 18 Desember 2020
  12. https://www.litnet.co.za/boekresensie-wildernis-deur-wilbur-smith/ Opgespoor en besoek op 18 Desember 2020

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.