Weegskaal (sterreteken)

Die Weegskaal (Lat: Libra) is die Westerse astrologiese teken van mense wat tussen ongeveer 23 September en 23 Oktober gebore is. Dit is die sewende teken van die Diereriem en die enigste wat deur ’n lewelose voorwerp gesimboliseer word en nie deur ’n mens of dier nie.

Weegskaal (Libra)
Die astrologiese simbool van die Weegskaal

Die Weegskaal is een van die drie lugtekens en vier hooftekens. Dis ’n manlike, positiewe, ekstroverte teken en is vergelykbaar met die Hond van die Sjinese Diereriem.[1] Die tradisionele heerser van die Weegskaal is Venus.

Weegskale kom volgens die astrologie goed oor die weg met lede van die ander lugtekens, Waterdraer en Tweeling.

Agtergrond

Jou son- of sterreteken het betrekking op die stand van die Son tydens jou geboorte. Astroloë verdeel die Diereriem, die denkbeeldige gordel aan die hemelruim waarlangs die planete beweeg, in twaalf dele: die son- of sterretekens. Die "sterrebeelde" is eintlik die astronomiese konstellasies aan die hemelruim en kom weens die presessie van die nageweningspunte nie meer ooreen met die twaalf tekens wat in die astrologie gebruik word nie.

Verwysings
Hierdie artikel is merendeels vertaal vanaf die Nederlandse Wikipedia-artikel nl:Weegschaal (astrologie)
  1. Theodora Lau, The Handbook of Chinese Horoscopes, pxxvii, Souvenir Press, Londen, 2005

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.