Waverley

Waverley is 'n woonbuurt in die noorde van Pretoria, die hoofstad van Suid-Afrika. Dit word in die weste begrens deur Villieria, in die suide deur Môregloed en in die ooste deur Bergtuin, terwyl die Magaliesberg die noordelike grens vorm. Waverley is noordoos van Pretoria se middestad geleë en is een van die stad se oudste woonbuurte. Dit het wye strate met enkelverdiepinghuise op groot erwe, groot grasperke en mooi tuine.

Waverley
Voorstad
Waverley  Waverley se ligging in Gauteng
Koördinate: 25°41′51″S 28°15′47″O
Land	Suid-Afrika
Provinsie	Gauteng
Munisipaliteit	Stad Tshwane
Hoofplek	Pretoria
Oppervlak [1]
• Totaal	4,01 km2 (1,55 vk. myl)
Bevolking  (2011)[1]
• Totaal	9 253
• Digtheid	2 307/km2 (5 980/vk. myl)
Rasverdeling (2011) [1]
• Wit mense	87,2%
• Indiërs/Asiërs	0,7%
• Bruin mense	1,5%
• Swart mense	9,9%
• Ander	0,7%
Taal (2011) [1]
• Afrikaans	84,2%
• Engels	8,8%
• Suid-Ndebele	1,4%
• Noord-Sotho	1,2%
• Ander	4,4%
Poskode (strate)	0186
Poskode (posbusse)	0135
Skakelkode	012

Die naam Totiusdal word egter vir die plaaslike poskantoor gebruik, asook enkele instellings en ondernemings in die voorstad, soos die Gereformeerde kerk Totiusdal, die Laerskool Totiusdal, Totiusdal Handelshuis en Totiusdal Apteek. Die Gereformeerde gemeente was waarskynlik die eerste wat so geheet het omdat die kerkgebou opgerig is op grond wat aan ds. S.J. du Toit, vader van die digter, teoloog en psalmberymer Totius, behoort het.