Waterjuffer

'n Waterjuffer is 'n soort insek van die suborde Zygoptera, wat tot die orde Odonata behoort. Die term Zygoptera beteken "vlerke wat in pare voorkom". Waterjuffers is delikate, swak-vlieënde insekte. 'n Volwasse waterjuffer het 'n lang, skraal liggaam, wat groen, blou, rooi, geel, swart of bruin is en dikwels helderkleurig. Die kleur van sommige van die spesies verskil in verskillende omgewings, verbleikend van helderblou tot 'n dowwe pers waar hulle reageer op koeler temperatuur of lig.[1]

Waterjuffer
'n Wyfie bloustertwaterjuffer
(Ischnura heterosticta)
Wetenskaplike klassifikasie e
Domein: Eukaryota
Koninkryk: Animalia
Filum: Arthropoda
Klas: Insecta
Orde: Odonata
Suborde: Zygoptera
Selys, 1854
Families
  • Hemiphlebioidea
    • Hemiphlebiidae
  • Coenagrionoidea
    • Coenagrionidae
    • Isostictidae
    • Platycnemididae
    • Platystictidae
    • "Protoneuridae" $
    • Pseudostigmatidae
  • Lestoidea
    • Lestidae
    • Lestoideidae
    • "Megapodagrionidae" $
    • Perilestidae
    • Synlestidae
  • Calopterygoidea
    • "Amphipterygidae" $
    • Calopterygidae
    • Chlorocyphidae
    • Dicteriadidae
    • Euphaeidae
    • Polythoridae
    • †Zacallitidae
$ dui parafiletiese groepe aan

Die meeste waterjuffers hou hulle vlerke oor hulle eie liggaam, nie uit na die kante soos naaldekokers nie. Waterjuffers is kleiner as naaldekokers, en hulle saamgestelde oë is aan die kante van die kop, nie bo-op die kop nie.[2]

Die mannetjies van die meeste waterjuffers het helderder kleure as die wyfies. Beide geslagte het breë, langwerpige koppe met 'n groot, wyd geskeide uitpeuloë en baie kort voelers. Volwassenes gebruik hul harige agterpote om prooi in vlug te vang. Sodra die prooi gevang is, vreet hulle dit terwyl hulle dit met hul pote vashou.[1]

Volwassenes word gewoonlik regdeur die jaar gedurende die dag gesien. Waterjuffers is vleisetende insekte wat naby varswater leef en broei. Hulle vlieg in tandem tydens paring en hulle paringspatroon is nogal ongewoon.[1]

Verwysings
  1. "Galveston County Master Gardener Association: Damselflies Quick Facts" (in Engels). Geargiveer vanaf die oorspronklike op 14 Oktober 2017. Besoek op 24 April 2016.
  2. "Mother Nature Network: How to tell the difference between a dragonfly and a damselfly" (in Engels). Geargiveer vanaf die oorspronklike op 23 Junie 2019. Besoek op 24 April 2016.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.