Waterford, Oos-Kaap

Waterford is 'n klein dorpie in die Oos-Kaap gestig om die boerderygemeenskap van dienste te voorsien. Sedert Augustus 2016 val die dorpie in die Dr Beyers Naudé Plaaslike Munisipaliteit.

Waterford
Gehuggie
Waterford is in Oos-Kaap
Waterford
Waterford
 Waterford se ligging in Oos-Kaap
Koördinate: 33°05′16.62″S 25°02′37.75″O
LandVlag van Suid-Afrika Suid-Afrika
ProvinsieOos-Kaap
DistrikSarah Baartman
MunisipaliteitDr Beyers Naudé
Oppervlak
 • Totaal26,74 km2 (10,32 vk. myl)
Bevolking
 (2011)[1]
 • Totaal40
 • Digtheid1/km2 (3/vk. myl)
Rasverdeling (2011)
 • Wit mense15%
 • Bruin mense70%
 • Swart mense15%
Taal (2011)
 • Afrikaans 70.0%
 • Xhosa 22.5%
 • Sotho 5.0%
 • Gebaretaal 2.5%

Ligging

Waterford lê suid van 'n draai in die Sondagsrivier en noord van die R400-gruispad. Die gehuggie is net noordwes van die Darlingtondam, 50 km suidoos van Jansenville, noord van die Klein-Winterhoekberge en wes van die Suurberge.

Geskiedenis

Ongeveer in die middel van die 19de eeu het die gehug ontstaan. In sy bloei was daar 'n kerk, poskantoor, polisiekantoor, hotel, meul, skool, algemene handelaar sowel as 'n vrederegter. Verskeie Duitssprekendes met vanne soos Huebsch, Faehse en Fittig het in die tydperk daar gewoon.

Naam

Waarskynlik was hier vroeër 'n drif (in Engels 'n “ford”) in die rivier. Dus die plek waar die waens deur die water gegaan het. Die Waterford-formasie wat deur die geoloog dr. B.S. Rubidge ontdek is, is na die gehuggie vernoem.

Huidige toestand

Weens die ontvolking van die platteland is die dorpie nou feitlik verlate en slegs die kerkgebou van 1959 van die NG gemeente verkeer in 'n goeie staat. Die hele Waterford is ingesluit in die beplanning vir 'n groter Addo-Olifant Nasionale Park. Sanparke het al verskeie plase in die direkte omgewing opgekoop. Indien die oorblywende bevolking (40) van Waterford nie oorreed kan word om te verskuif nie, sal hulle seker mettertyd ook deel van die besigtigingswaarde van toeriste aan die Addo-park word.

Bibliografie
  • Logie, Bartle: Sundays – tales from a winding river. Port Elizabeth: Bluecliff, 2011. ISBN 978-0-9870017-2-6
  1. "Hoofplek Waterford". Sensus 2011.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.