Warmbokkeveld

Die Warmbokkeveld is 'n vrugbare vallei in die berge van die Wes-Kaap, Suid-Afrika. Die gebied word begrens deur die Hexrivierberge in die suide, die Witsenberge en die Skurweberg in die weste en die Gydoberg en Waboomberge in die noorde. Alle paaie bereik die vallei deur bergpasse: die Gydopas, die Michellspas, die Karoopoort en die Theronsbergpas. Die Breederivier ontspring in die vallei.