Walter Model

Otto Moritz Walter Model (Duitse uitspraak: [ˈmoːdəl]; 24 Januarie 1891 - 21 April 1945) was 'n Duitse veldmaarskalk tydens die Tweede Wêreldoorlog.

Alhoewel hy vroeg in die oorlog 'n hardnekkige, aggressiewe pantser(tenk)kommandant was, het Model veral bekend gestaan as 'n beoefenaar van verdedigingsoorlogvoering. Sy relatiewe sukses as bevelvoerder van die negende leër in die terugvalle van 1941–1942 het sy toekomstige loopbaan bepaal. Hy is die beste verdedigende taktiese bevelvoerder van die Derde Ryk genoem.

Model het reeds voor die Tweede Wêreldoorlog Hitler se aandag getrek, maar hul verhouding het eers in 1942 baie nou geword. Sy hardnekkige gevegstyl en lojaliteit aan die Nazi-bewind is deur Hitler verwelkom, wat hom beskou het as een van sy beste veldbevelvoerders. Hitler het hom herhaaldelik gestuur om oënskynlik desperate situasies aan die Oosfront te red. Hul verhouding het teen die einde van die oorlog versuur ná die Duitse nederlaag in die Slag van die Bul. In die nasleep van die omringing en nederlaag van leërgroep B in die Ruhr-uitloper, het Model op 21 April 1945 selfmoord gepleeg.