Wêreldrugby

Wêreldrugby (Engels: World Rugby), tot in November 2014 bekend as die Internasionale Rugbyraad (afgekort “IRR”; Engels: International Rugby Board (IRB), is die wêreldwye bestuursliggaam wat die reëls van rugby beheer. Die liggaam is in 1886 in die lewe geroep as die Internasionale Rugbyvoetbalraad (IRVR) deur die Skotse, Walliese en Ierse rugbyunies. Die Engelse Rugbyvoetbalunie het aanvanklik geweier om aan te sluit, maar hulle het in 1890 die eerste niestigtingslid geword wat aangesluit het.[1][2] Australië, Nieu-Seeland en Suid-Afrika het in 1949 volle lede geword en in 1978 het Frankryk gevolg. In 1987 is Argentinië, Fidji, Italië, Japan, Kanada, Roemenië, Tonga, die Verenigde State en Zimbabwe deur die Internasionale Rugbyvoetbalraad genooi om aan die eerste rugbywêreldbekertoernooi deel te neem wat gepaard gegaan het met lidmaatskaap. Tussen 1987 en 1999 het ’n verdere tagtig lede gevolg. Die raad is in 1998 herdoop tot die Internasionale Rugbyraad en het in November 2014 sy huidige naam aangeneem. Wêreldrugby se hoofkantoor is in Dublin, Ierland, gesetel.[3] Die amptelike tale is Engels, Frans, Italiaans en Spaans. Wêreldrugby se huidige voorsitter is die Franse rugbyadministrateur Bernard Lapasset.

Kenteken van die Internasionale Rugbyraad tot November 2014
Wêreldrugby
Kenteken van Wêreldrugby
Kenteken van Wêreldrugby
Engelse naam World Rugby
Land wêreldwyd
Sportsoorte Rugby, Sewesrugby
Stigting 1886
Gestig in Dublin, Ierland
Gestig deur IRFU, SRU en WRU
Voorsitter Bill Beaumont
Adjunkvoorsitter Bernard Laporte
Hoof- uitvoerende beampte Alan Gilpin
Setel Dublin, Ierland
Lede 114 lidunies
18 geassosieerde unies
Affiliasie Internasionale Olimpiese Komitee
Amptelike tale Engels, Frans, Italiaans en Spaans
Amptelike webwerf world.rugby

Wêreldrugby het 132 lede, waarvan 114 unies as volle lede en 18 geassosieerde lede.[4] Die vollede-unies vergader twee keer per jaar en die plaaslike verenigings hou gereelde vergaderings.[3] Die Raad reël van die sport se internasionale kompetisies, met die Rugbywêreldbeker (wat elke vier jaar plaasvind) as die gewildste en winsgewendste toernooi soos blyk uit die £81,8 miljoen bruto inkomste wat tydens die 2003-toernooi geïn is.[5] Hulle organiseer ook die Wêreldrugby o/20-kampioenskap en die Wêreldrugby o/20-trofee. Wêreldrugby hou ook toesig oor Sewesrugby wêreldwyd en aangesien dit ’n Olimpiese sportsoort is, werk hulle met die Internasionale Olimpiese Komitee (IOK) saam.

Die Raad verskaf ook geld aan die rugbyspanne van kleiner lande, soos die Suidsee-Eilandspanne, wat nie genoegsame eie inkomste kan genereer nie.

Konfederasies
Lid- en geassosieerde rugbyunies van Wêreldrugby

   Affiliasies

   Geassosieerde unies

Wêreldrugby het ses konfederasies as lid, naamlik:

Deelnamesyfers

Wêreldrugby se grootste lede volgens aantal deelnemers in 2019:[6]

  1. Vlag van Engeland Engeland (2,11 miljoen)
  2. Vlag van Verenigde State van Amerika Verenigde State (1,48 miljoen)
  3. Vlag van Suid-Afrika Suid-Afrika (692 000)
  4. Vlag van Frankryk Frankryk (533 000)
  5. Vlag van Australië Australië (477 000)
  6. Vlag van Japan Japan (296 000)
  7. Vlag van Colombia Colombia (266 000)
  8. Vlag van Fidji Fidji (225 000)
  9. Vlag van Kanada Kanada (217 000)
  10. Vlag van die Volksrepubliek China Volksrepubliek China (215 000)
  11. Flag of Ireland Ierland (210 000)
  12. Vlag van Skotland Skotland (182 000)
  13. Vlag van Brasilië Brasilië (174 000)
  14. Vlag van Argentinië Argentinië (161 000)
  15. Vlag van Nieu-Seeland Nieu-Seeland (156 000)
  16. Vlag van Kenia Kenia (123 000)
  17. Vlag van Spanje Spanje (114 000)
  18. Vlag van Rusland Rusland (109 000)
  19. Vlag van Wallis Wallis (108 000)
  20. Vlag van Sri Lanka Sri Lanka (96 000)

Verwysings
  1. (en) "Short history of rugby". Museum of Rugby. Geargiveer vanaf die oorspronklike op 15 Februarie 2008. Besoek op 14 Julie 2006.
  2. (en) "History of Rugby". Dallas RFC. Geargiveer vanaf die oorspronklike op 15 Julie 2006. Besoek op 14 Julie 2006.
  3. (en) "Rugby & The Olympic Games". Wêreldrugby. Geargiveer vanaf die oorspronklike op 8 Julie 2006. Besoek op 28 Julie 2006.
  4. (en) "Member Unions". Wêreldrugby. Besoek op 16 Desember 2023.
  5. (en) "Rugby World Cup History". Rugby World Cup History. Besoek op 29 Junie 2021.
  6. (en) "World Rugby Year in Review 2019". Wêreldrugby. p. 68. Besoek op 29 April 2021.

Eksterne skakels
Rugbywêreldbeker

Australië / Nieu-Seeland 1987 • Engeland / Frankryk / Ierland / Skotland / Wallis 1991 • Suid-Afrika 1995 • Engeland / Frankryk / Ierland / Skotland / Wallis 1999 • Australië 2003 • Frankryk 2007 • Nieu-Seeland 2011 • Engeland / Wallis 2015 • Japan 2019 • Frankryk 2023 • Australië 2027 • Verenigde State 2031

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.