Wêreld- Ekonomiese Forum

Die Wêreld- Ekonomiese Forum ((en) World Economic Forum – WEF) is 'n jaarlikse byeenkoms van die hoof- uitvoerende beamptes (HUBs) van die grootste maatskappye ter wêreld, internasionale politici (presidente, eerste ministers en ministers), intellektuele en joernaliste, altesaam sowat 2 500 persone. Die WEF organiseer jaarliks in die winter 'n jaarvergadering in Davos, Switserland, asook diverse streekskonferensies wêreldwyd. Dit 'n invloedryke platform, aangesien die mees invloedryke persone, waaronder baie staatshoofde saamkom om die belangrikste hedendaagse en toekomstige wêreldprobleme te bespreek.

Kenteken van die Wêreld- Ekonomiese Forum
F.W. de Klerk en Nelson Mandela skud hande tydens die jaarlikse byeenkoms van die Wêreld Ekonomiese Forum in Davos, 1992
Op 23 Januarie 2003 het premier Mahathir Mohamad van Maleisië 'n toespraak gelewer tydens die jaarvergadering van die Wêreld Ekonomiese Forum

Die WEF is in 1971 deur Klaus M. Schwab, 'n Switserse hoogleraar en sakeman, gestig. Die hoofkantoor is in Genève gesetel, waar dit geregistreer is as 'n nie-winsgewende stigting. Ongeveer 400 personeellede van meer as 50 nasionaliteite is by die hoofkantoor werksaam.

Aktiwiteite

Volgens die voorstanders van die WEF bied dit 'n ideale geleentheid vir dialoog en debatte oor die omvangryke sosiale en ekonomiese probleme van die wêreld, omdat verteenwoordigers van die belangrikste ekonomiese organisasies, verteenwoordigers van die belangrikste politieke organisasies sowel as hoë vlak intellektuele teenwoordig is en omdat die gesprekke in 'n informele omgewing gehou word. Van die knelpunte waarop gefokus word sluit in die verspreiding van rykdom.

Volgens kritici is die WEF 'n besigheidsforum waar die rykste maatskappye kan onderhandel oor transaksies met ander maatskappye of met politici. Volgens hul is die doel van die WEF vir baie van die deelnemers slegs persoonlike gewin in plaas van die oplossing van sosiale wêreldprobleme. Daarbenewens vind teenstanders dat die WEF 'n nie-demokratiese verkose, maar veel-te-magtige forum is. Om hierdie redes trek die byeenkomste van die WEF gereelde anti-globalistiese protes. As gevolg van die beperkte ruimte in die geboue in Davos en om redes van veiligheid is die byeenkoms nie vrylik toeganklik vir die publiek nie. Om interaksie te bevorder het die WEF die "Open Forum" gestig, om sodoende die insette van belanghebbendes te betrek in die debatte wat gevoer word. Almal wat nie self teenwoordig kan wees nie, kan via hierdie weg deelneem. Die weblog van die WEF bied inmiddels die moontlikheid om die sessies virtueel interaktief by te woon. Die afgelope jaar word steeds meer gebruik gemaak van sosiale media, soos Twitter, Facebook en YouTube.

In reaksie op kritiek werk die WEF daaraan om meer diversiteit na die byeenkomste te trek. Meer as die helfte van afgevaardigdes is afkomstig uit die sake omgewing. Die res was afkomstig uit media, regering, wetenskap, nie-winsgewende organisasies en ander sektore. Omdat 50% van die wêreldbevolking tans onder die 27 jaar oud is, het die WEF 'n optrede-gerigte netwerk van "positiewe ontwrigters" opgestel; naamlik die Global Shapers Community. Vanuit hierdie gemeenskap is sedert 2012 minimaal 50 jong mense afgevaardig om vernuwende perspektiewe te bied in Davos. Tydens 2018 se WEF-byeenkoms het 26,5% van die bykans 3 000 deelnemers uit die VSA gekom, gevolg deur die VK met 9%. Deelnemers aan die 2018 byeenkomste het van altesame 119 lande gekom.

Om lid te wees van die WEF moet 'n maatskappy 'n jaarlikse bydrae van 42 500 switserse frank (CHF) betaal. Vir diverse ander vorms van samewerking is die kostes nog hoër. Die aanwesige maatskappye dek hiermee indirek ook die koste vir deelnemers wat nie instaat is om hierdie hoë koste te betaal nie, soos verteenwoordigers van owerhede, nie-winsgewende organisasies, wetenskaplikes, die jonger geslag van "Global Shapers" (20-30 jaar oud ) en die "Young Global Leaders" (30-40 jaar oud).

Op elke vergadering van die WEF word joernaliste uitgenooi. Joernaliste is welkom tydens die amptelike agendapunte, en deel ook hierin. By die inligtingsaktiwiteite soos die informele werkswinkels en die privaatgesprekke, is geen joernaliste welkom nie.

Die WEF poog om dialoog met sy teenstanders te beforder. So is in 2004 'n skadubyeenkoms met as titel Globalization or Deglobalization for the Benefit of the Poorest? georganiseer waar 300 mense gratis toegang gekry het. As teenhanger van die WEF het die World Social Forum oftewel Wêreld Sosiale Forum (WSF) ontstaan.

In die afgelope dekades het die WEF bygedra tot enkele mylpale en deurbrake. Daar is byvoorbeeld op die gebiede van gesondheidsorg, teen-korrupsie, klimaatverandering, maatskaplike verantwoordbaare ondernemings, hongerbestryding, humanitêre hulpverlening, vryheid van spraak, die Arabiese Lente, onderwys, die ekonomiese krisis en verskeie ander temas werk gedoen. Die term 'Vierde Industriële Revolusie' is in 2016 vir die eerste keer deur die WEF gebruik. 'n Oorsig van mylpale en deurbrake word bygehou op http://www.weforum.org/history.

Jaarlikse konferensies
Jaar Datum Tema
1988 The New State of the World Economy
1989 Key Developments in the 90s: Implications for Global Business
1990 Competitive Cooperation in a Decade of Turblenece
1991 The New Direction for Global Leadership
1992 Global Cooperation and Megacompetition
1993 Rallying all the forces for Global Recovery
1994 Redefining the Basic Assumptions of the World Economy
1995 Leadership for Challenges beyond Growth
1996 Sustaining Globalization
1997 Building the Network Society
1998 Managing Volatility and Priorities for the 21st Century
1999 Responsible Globality: Managing the impact of Globalization
2000 New Beginnings: Making a difference
2001 25-30 Januarie Sustaining Growth and Bridging the Divides: A Framework for Our Global Future
2002 Leadership in Fragile Times
2003 Building Trust
2004 Partnering for Security and Prosperity
2005 26-30 Januarie Taking Responsibility for Tough Choices
2006 25-29 Januarie The Creative Imperative
2007 24-28 Januarie Shaping the Global Agenda, The Shifting Power Equation
2008 23-27 Januarie The Power of Collaborative Innovation
2009 Shaping the Post-Crisis World
2010 27-30 Januarie Improve the State of the World: Rethink, Redesign, Rebuild
2011 Shared Norms for the New Reality
2012 25–29 Januarie The Great Transformation: Shaping New Models
2013 23–27 Januarie Resilient Dynamism
2014 22–25 Januarie The Reshaping of the World: Consequences for Society, Politics and Business.
2015 21–24 Januarie New global context
2016 20–23 Januarie Mastering the Fourth Industrial Revolution
2017 17–20 Januarie Responsive and Responsible Leadership
2018 23–26 Januarie Creating a Shared Future in a Fractured World
2019 22–25 Januarie Globalization 4.0: shaping a global architecture in the age of the fourth industrial revolution
2020 20–24 Januarie Stakeholders for a cohesive and sustainable world[1]
2021 17–20 Augustus Gekanselleer as gevolg van die Covid-19-pandemie
2022 22–26 Mei Geskiedenis op 'n keerpunt: Regeringsbeleide en besigheidstrategieë[2]

Verwysings
  1. "Economic, Financial and Banking Awareness 10 November 2019". PendulumEdu (in Engels). PendulumEdu. 10 November 2019. Geargiveer vanaf die oorspronklike op 10 November 2019.
  2. "Davos 2022: Who's coming and everything else you need to know". weforum.org. 18 Mei 2022.

Bron
    Hierdie artikel is in sy geheel of gedeeltelik vanuit die Nederlandse Wikipedia vertaal.
       
    Klik vir info oor hierdie sjabloon.

    Eksterne skakels
    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.