Vyfster
Vyfster was 'n Afrikaanse televisiedrama wat van 1982 deur die SAUK uitgesaai is. Die regisseur was Regardt van den Bergh terwyl Johann Potgieter die draaiboek geskryf het. Die TV-reeks speel in 'n tronk af en handel oor die wel en wee van die gevangenes en tronkbewaarders. Die rolprent Skollie was vrygestel tussen seisoen 1 en 2. Dit is later opgevolg met die rolprent, getiteld Vyfster: die slot (1985). Baie mense was ontstoke oor die TV-reeks se stomp einde.
| Vyfster | |
| Genre | Drama |
|---|---|
| Geskryf deur | Johann Potgieter |
| Geregisseer deur | Regardt van den Bergh |
| Aangebied deur | SAUK |
| Met | George Ballot At Botha Paul Eilers Danie Joubert Patrick Mynhardt Emgee Pretorius Pierre Knoessen Tromp Terre’blanche Carel Trichardt Marius Weyers |
| Temamusiekkomponis | Lloyd Ross |
| Oorsprong | .svg.png.webp){kind=small} Suid-Afrika |
| Taal | Afrikaans |
| Aantal seisoene | 2 |
| Aantal episodes | 14 |
| Produksie | |
| Lokasie(s) | Pretoria |
| Looptydperk | 50 minuut |
| Produksiemaatskappy | SAUK |
| Uitsending | |
| Eerste lopie | 1984 |
| Kronologie | |
| Opgevolg deur | Vyfster: die slot (1985) |
Die kenmerkende temawysie van die program is deur die Suid-Afrikaner Lloyd Ross geskryf en opgevoer.[1]
Akteurs
Van die akteurs wat hierin verskyn het is:
- Emgee Pretorius as Priester, die bendelid
- George Ballot as Skollie Williams, 'n gevangene
- Patrick Mynhardt as Pappa, die bendebaas
- Danie Joubert as Hendrik le Roux, 'n gevangene
- At Botha as Sersant Theuns Gerber, 'n bewaarder
- Paul Eilers as Polka, gevangene en bendelid
- Pierre Knoessen as Gerrie Prinsloo, 'n bewaarder wat deur Polka gemanipuleer word. In die tweede seisoen is Prinsloo 'n gevangene.
- Tromp Terre’blanche as Oubaas
- Marius Weyers as Tiger Blom
- Rod Alexander as Gabba, Priester se handlanger
- Carel Trichardt as die Kolonel, die hoof van die gevangenis
- Bettie Kemp as die Welsynsbeampte
- en andere.
Eksterne skakels
- Afrikaanse treffers 1983: Vyfster - Lloyd Ross | Maroela Media
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.