Vuurland

Vuurland (Spaans: Tierra del Fuego, [ˈtjera ðel ˈfweɣo]) is 'n eilandgroep geleë aan die suidelike einde van Suid-Amerika wat verdeel is tussen die twee lande Argentinië en Chili en tot die streek van Patagonië behoort. Die eiland word in die noorde deur die Straat van Magellaan van die vasteland geskei, grens in die weste aan die Stille Oseaan en in die ooste aan die Atlantiese Oseaan. In die noordooste is die Falkland-eilande, in die ooste Suid-Georgië en die Suidelike Sandwicheilande en in die suide is Antarktika saam met die Suidelike Orkneyeilande en die Suidelike Shetlandeilande geleë. Verder suid volg die Suidelike Oseaan en die Antarktiese Skiereiland.

Nasa-Satellietbeeld van Vuurland

Vuurland Inheemse naam: Tierra del Fuego
Kaart van Vuurland en die Straat van Magellaan
Geografie
Ligging	Argentinië en Chili, Atlantiese en Stille Oseaan
Koördinate	54°06′S 68°36′W
Hoofeilande	Isla Grande de Tierra del Fuego, Hoste, Navarino, Gordon, Wollastone, Noir, Staten, Hermite, Santa Inés, Clarence, Dawson, Capitán Aracena, Londonderry, Picton, Lennox, Nueva, Diego Ramírez, O'Brien en Desolación-eilande
Oppervlakte	73 753 vk km
Hoogste punt	Monte Shipton 2 580 m
Administrasie
Argentinië
Provinsie	Tierra del Fuego
Hoofstad	Ushuaia
Grootste stad	Ushuaia (56 956)
Chili
Streek	Magallanes y la Antártica Chilena
Hoofstad	Porvenir
Grootste stad	Porvenir (5 907)
Demografie
Bevolking	135 000

Isla Grande de Tierra del Fuego is in 1520 deur die Portugese ontdekkingsreisiger Ferdinand Magellaan tydens sy wêreldomwenteling vir Europa ontdek en na waargenome snagse ligte langs die kus genoem. Vuurland is in 1881 langs die lengtegraad 68° 36′ W in 'n oostelike deel vir Argentinië (Tierra del Fuego-provinsie) en 'n westelike deel vir Chile (Magallanes-streek) verdeel.

Vuurland beslaan 'n oppervlakte van 73 753 km², waarvan meer as die helfte aan die hoofeiland Isla Grande de Tierra del Fuego behoort.