Vuisbal

Vuisbal is een van die oudste sportsoorte ter wêreld. Die sport word reeds ten tye van keiser Gordianus III (ongeveer 240 n.C.) in die antieke Romeinse tye vermeld. Dit word ook in geskrifte uit die Middeleeue beskryf. Die Europese Kampioenskappe word sedert 1965 aangebied, terwyl die eerste Wêreldkampioenskap in 1968 plaasgevind het.

Spelers poog om die bal van die een helfte van die baan oor die net na die opponente se helfte te slaan. Die bal mag met die vuis of onderarm geslaan word. Elke span bestaan uit vyf lede. Soos in tennis en vlugbal is die doel om die bal in die teenstanders se helfte te plaas, sodat hulle dit nie kan terugspeel nie. Die bal kan 'n maksimum van drie keer deur 'n span geraak word alvorens dit teruggeslaan moet word. Tussen elke kontak mag die bal een keer hop.

Vuisbal word gespeel.

Die spel word binnenshuis of op 'n grasveld gespeel. Die baan is 50 meter lank en 20 meter breed. Die net word twee meter bokant die grond oor die middellyn gespan en is self twee meter breed. Die dienlyne is drie meter van die middellyn aan weerskante daarvan uitgemerk. 'n Leerbal met 'n maksimum omtrek van 68 cm word gebruik. Die bal mag tot 380 gram weeg en word teen 0.75 bar gepomp.

'n Wedstryd bestaan uit vier of vyf stelle. 'n Stel word gewen deur 11 punte aan te teken (en met 2 punte te lei). As 'n span 'n fout maak, word die punt aan die ander span toegeken. Die span wat die vorige punt verloor het, het die voorreg om af te slaan. Foute sluit in:

• Die bal uit te slaan (buite die baan)
• Speler wat die net raak
• Bal 'n speler se liggaam raak
• 'n Speler die bal meer as een keer agtermekaar speel
• 'n Span die bal meer as drie keer agtermekaar speel

Wikimedia Commons bevat media in verband met fistball.

• (en) Internasionale Vuisbal Assosiasie
• (en) fistball.com Geargiveer 30 Mei 2009 op Wayback Machine