Vryheid van panorama

Die vryheid van panorama is 'n begrip uit die outeursreg wat slegs in sommige lande erken word.

Lande se status wat vryheid van panorama betref.

Op kunswerke soos skilderye, argitektuur, beelde ensomeer berus gewoonlik outeursregte wat die skepper daarvan beskerm teen plagiaat. Talle van hierdie kunswerke is egter in publieke plekke uitgestal, soos monumente, geboue ensomeer. In talle lande word hulle as deel van die panorama gesien, wat beteken dat mense vryelik daarvan foto's mag neem en publiseer. Die juridiese status wissel egter baie van land tot land. In Suid-Afrika en Namibië bestaan hierdie regte nie. In België is dit in 2015 gewysig, sodat afbeeldings van die bekende atomium nie meer op Wikimedia Commons uitgewis word nie en nou gewys kan word.