Volterra
Volterra [volˈtɛrra] is 'n nedersetting in die Italiaanse administratiewe streek Toskane, geleë in die sentrum van die provinsie Pisa op 'n bergrug tussen die riviere Era en Cecina, sowat 50 km suid van die naamgewende provinsiale hoofstad en 30 km van die Mediterreense kus af.
Città di Volterra | |
|---|---|
Munisipaliteit | |
 Panoramiese uitsig oor Volterra | |
  Città di Volterra | |
| Koördinate: 43°24′00″N 10°52′00″O | |
| Land |  Italië |
| Streek |  Toskane |
| Provinsie | Pisa (PI) |
| Regering | |
| • Burgemeester | Giacomo Santi |
| Oppervlak | |
| • Totaal | 252 km2 (97 vk. myl) |
| Hoogte | 531 m (1 742 ft) |
| Bevolking | |
| • Totaal | 11 042 |
| • Digtheid | 44/km2 (110/vk. myl) |
| Poskode | 56048 |
| Skakelkodes | 0588 |
| Webwerf | comune.volterra.pi.it |
Volterra is van groot historiese en argitektoniese belang, met 'n geskiedenis wat terugstrek in die tyd van die Etruskers (toe dit as Velathri bekend gestaan het en een van die magtigste stedelike nedersettings in die losse Konfederasie van twaalf Etruskiese stede was) en Romeine (wat die nedersetting Volaterrae genoem het), en 'n goed bewaarde Middeleeuse stadskern. Die belangrikste besienswaardighede sluit argitektoniese en ander oorblyfsels uit die Etruskiese tydperk sowel as twee kastele in. Alhoewel Volterra toeristies in die skadu van San Gimignano staan, vergelyk sy stadsbeeld en atmosfeer gunstig met sy meer bekende mededinger.
Die historiese stadskern (centro storico), wat steeds deur 'n stadsmuur omring word, en die kulturele landskap van Volaterra is in 2006 deur Unesco as wêrelderfenisgebied gelys.
Geskiedenis
Volterra was 'n Neolitiese nedersetting en 'n belangrike sentrum van die Etruskers. Daar word aangeneem dat die plek deurgaans bewoon is sedert die einde van die agste eeu vC.[1] Die nedersetting is in die 5de eeu n.C. tot biskopsetel verhef. Sy biskoplike status is bevestig in die 12de eeu; vervolgens het Volterra twee eeue lank as onafhanklike stadstaat bestaan. Toe die biskop se mag gekwyn het, is Volterra deur Florentynse magte verower. Opstande teen die Florentynse bewind is onderdruk. Sowel Persius, die Romeinse satiris, as Pous Linus is gebore in Volterra. Die skilders Daniele da Volterra en Rosso Florentino en die digter Jaopo da Leona is afkomstig uit Volterra.
Toe die Florentynse Republiek tot 'n vak gekom het in 1530, het Volterra onder die beheer van die Medici gekom en is later ingelyf in die graafskap van Toskane.
Eksterne skakels
- Wiki-webtuistes
Wikiwoordeboek het 'n inskrywing vir Volterra.
Wikimedia Commons het meer media in die kategorie Volterra.
