Voerstroper
'n Voerstroper (ook bekend as 'n kuilvoerkerwer) is 'n plaasimplement wat voerplante oes om kuilvoer van te maak. Kuilvoer is gras, mielies of ander plante wat in klein stukkies gekap word, en gekompakteer saam in 'n stoorsilo, kuilvoerbunker, of in kuilvoersakke geberg word. Die kuilvoer word dan gegis om voer vir vee te verskaf.
Gebruik
Voerstropers kan implemente wees wat verbonde is aan 'n trekker, of hulle kan self-aangedrewe eenhede wees. In hierdie opset het hulle óf 'n drom (cutterhead) of 'n vliegwiel met 'n aantal vaste messe wat die kuilvoer fynkap. Hierna word dit uitgeblaas op 'n glybaan vanaf die stroper na 'n wa wat óf verbind is aan die stroper of 'n ander voertuig wat saamry. Die meeste groter masjiene het ook versnellers om materiaalspoed en laai-eienskappe te verbeter. Sodra 'n wa vol is, word die wa losgemaak en na 'n silo getrek vir aflaai, en 'n ander wa kan aangeheg word.
Omdat mielies en gras verskillende tipes van snytoerusting benodig, is daar verskillende koppe vir elke tipe van kuilvoer, en hierdie koppe kan gekoppel en ontkoppel word van die stroper. Graskuilvoer word gewoonlik gesny voor die oes, sodat dit gelaat kan word om te gis. Mieliekuilvoer word direk van die koppe gesny, met behulp van swaaiende messe en groot saaglemme.
Klein familieplase gebruik nog steeds stropers wat gesleep word, dit is óf enkelkap, dubbelkap of presisiekap. Ouer masjiene was deur kabels beheer, daarna is hulle bedryf deur hidroulika en vandag word die nuwes deur elektronika beheer.
'n Trekker met 'n sleepwa loop langs 'n selfaangedrewe Claas Jaguar voerstroper
New Holland voerhanteringstoerusting
New Holland se selfaangedrewe FR9000 voerstroper
'n Geparkeerde Serigstad-grasstroper wat deur 'n trekker gesleep word in Jæren, Noorweë
'n Laaimasjien wat voer in sakke kan hanteer
'n Kop vir die kap van mielies