Vliesvlerkiges

Vliesvlerkiges (of vliesvleueliges, Hymenoptera) is 'n groot orde van insekte. Die orde omvat honderdduisende spesies insekte wat almal dun, deursigtige vlerke het. Van die bekende lede hiervan is miere, bye en perdebye.[2]

Vliesvlerkiges
Tydperk: Trias–Hede 235–0 m. jaar gelede[1]
Wetenskaplike klassifikasie e
Domein: Eukaryota
Koninkryk: Animalia
Filum: Arthropoda
Klas: Insecta
(geen rang): Endopterygota
Superorde: Hymenopterida
Orde: Vliesvlerkiges
Linnaeus, 1758
Subordes

Apocrita
Symphyta

Hymenoptera beteken letterlik vlies (hymen) vleuel (pteron, meervoud ptera) en dui op die vliesagtige vlerke wat nie deels verhard is (soos by die kewers) nie, en wat nie skubbe het (soos by vlinders) nie. 'n Reeks hakies, wat hamuli genoem word, verbind die agterste met die voorste vlerke.

Die wyfies het gewoonlik 'n spesiale lêboor (ovipositor) vir die lê van hul eiers in gashere of andersins ontoeganklik plekke. Die lêboor is dikwels in 'n angel gewysig.

Hierdie insekte ondergaan 'n volledige metamorfose en het dus 'n wurmagtige larwestadium en 'n onaktiewe papiestadium, voordat hulle volwassenheid bereik.

Verwysings
  1. Ronquist, Fredrik; Klopfstein, Seraina; Vilhelmsen, Lars; Schulmeister, Susanne; Murray, Debra L.; Rasnitsyn, Alexandr P. (Desember 2012). "A Total-Evidence Approach to Dating with Fossils, Applied to the Early Radiation of the Hymenoptera". Systematic Biology. 61 (6): 973–999. doi:10.1093/sysbio/sys058. PMC 3478566. PMID 22723471.
  2. Earthlife.net[dooie skakel]

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.