Vlagskip
'n Vlagskip is 'n vaartuig wat gebruik word deur die bevelvoerder van 'n groep vlootskepe, kenmerkend van 'n vlagbeampte wat geregtig is deur gebruik om 'n onderskeidende vlag te vertoon. Meer losweg gebruik, is dit die leierskip in 'n vloot van skepe, tipies die eerste, grootste, vinnigste, swaarste gewapende, of die welbekendste skip.
Metafoor ('n ander mening)
Oor die jare heen het die term "vlagskip" 'n metafoor geword wat gebruik word in bedrywe soos die uitsaaiwese, motors, lugrederye, akkommodasie en kleinhandel om te verwys na die bemarker se hoogste profiel of duurste produkte en plekke.
Vlootgebruik
In die algemene vlootgebruik, beteken die term vlagskip fundamenteel 'n tydelike aanwysing; die vlagskip is die vaartuig waarop die admiraal se vlag wapper. Admiraals benodig egter altyd addisionele fasiliteite, insluitend 'n vergaderkamer wat groot genoeg is om al die kapteins van die vloot te kan huisves, asook 'n plek vir die admiraal se personeel om planne te beraam en bevele saam te stel. Histories kon net groter skepe sodanige vereistes akkommodeer.
Die term word ook gebruik deur kommersiële vlote, wanneer die onderskeid tussen 'n land se vloot en 'n handelsvloot nie duidelik blyk te wees nie. 'n Voorbeeld was die Sea Venture, vlagskip van die vloot van die Virginia Company, wie se bevelvoerder die Britse Vloot se skoutadmiraal Christopher Newport was, maar tog was die Handelsvloot se admiraal van die maatskappy se vloot, Sir George Somers aanboord tydens sy noodlottige vaart in 1609.
Tydens die era van seilskepe, was die vlagskip tipies 'n eerste-koersskip; die agterdeel van een van die drie dekke sou die admiraal se kwartiere en personeelkantore huisves. Dit is te siene op die HMS Victory, die vlagskip van Admiraal Nelson tydens die Slag van Trafalgar in 1805, wat nog steeds in diens staan van die Britse Vloot as die seremoniële vlagskip van die "First Sea Lord" van Portsmouth, Engeland.
Sedert die 20ste eeu het skepe groot genoeg geword sodat die groter soorte, kruisers en verder op, 'n bevelvoerder en sy personeel kan akkommodeer. Sommige groter skepe kan oor 'n aparte vlagbrug beskik vir die admiraal en sy personeel se gebruik, terwyl die kaptein steeds opdragte vanuit die hoofnavigasiebrug gee. Omdat sy primêre funksie is om 'n vloot te koördineer, is 'n vlagskip nie noodwendig swaarder gewapen of gepantser as ander skepe in die vloot nie. Tydens die Tweede Wêreldoorlog het admiraals dikwels 'n vinniger skip bó die grootste een verkies.
Moderne vlagskepe word hoofsaaklik ontwerp en gebou vir die bevel-en-beheerfunksie, eerder as om te kan veg, en staan ook bekend as bevelskepe.
| Hierdie artikel is in sy geheel of gedeeltelik vanuit die Engelse Wikipedia vertaal. |
