Vlag van Saba

Die vlag van Saba is op 6 Desember 1985 amptelik in gebruik geneem. Hierdie dag word ook “Dag van de Vlag” genoem. Dit beteken letterlik vlagdag en hierdie dag word gevier op ses voormalige eilande van die Koninkryk van die Nederlande wat aan die Nederlandse Antille behoort het. Dit is ’n vakansiedag waar daar baie amptelike seremonies is en die vlag vertoon word. Die vlag vertoon vier driehoeke in rooi (twee bo) en blou (twee onder) met ’n wit ruit in die middel wat tot op die kant van die vlag strek en ’n geel vyfpuntige ster in die middel van die ruit.

Vlag van Saba
Vlag van Saba
Vlag van Saba
Gebruik Burgerlike vlag Burgerlike vlag
Verhouding 2:3
Goedgekeur 6 Desember 1985[1]
Ontwerp Vier driehoeke in rooi (twee bo) en blou (twee onder) met ’n wit ruit in die middel wat tot op die kant van die vlag strek en ’n geel vyfpuntige ster in die middel van die ruit.

Simboliek

Die geel kleur stel die eiland se rykdomme voor asook die hoop op ’n goeie toekoms. Die ster stel die eiland voor en die rooi, wit en blou stel die eiland se bande met Nederland voor. Daarbenewens stel rooi ook moed, eenheid en kragdadigheid voor, wit stel vrede voor en blou stel die see voor.

Verwysings
  1. (en) "Saba". Flags of the World. Geargiveer vanaf die oorspronklike op 19 Januarie 2018. Besoek op 8 Januarie 2013.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.