Vlag van Oos-Timor

Die nasionale vlag van Oos-Timor is op 20 Mei 2002 in gebruik geneem. Die vlag vertoon twee driehoeke teen die vlagpaalkant, ’n swart driehoek met ’n wit vyfpuntige ster in, op ’n geel driehoek wat wys in die rigting van die wapperkant, albei op ’n enkele rooi baan.

Vlag van Oos-Timor
Vlag van Oos-Timor
Vlag van Oos-Timor
Gebruik Nasionale vlag en vaandel Nasionale vlag en vaandel
Verhouding 1:2
Goedgekeur 20 Mei 2002[1]
Ontwerp Twee driehoeke teen die vlagpaalkant, ’n swart driehoek met ’n wit vyfpuntige ster in, op ’n geel driehoek wat wys in die rigting van die wapperkant, albei op ’n enkele rooi baan.

Simboliek
’n Wapperende vlag van Oos-Timor

Volgens die Grondwet van die Demokratiese Republiek van Timor-Leste, stel die geel driehoek die “die tekens van kolonialisme in die geskiedenis van Oos-Timor” voor. Die swart driehoek stel “die verkramptheid wat oorkom moet word” voor; die rooi basis van die vlag stel die “nasionale vryheidstryd” voor; die ster, of “die lig wat leding gee”, is wit om vrede voor te stel.

Geskiedenis

Die vlag van Oos-Timor is in 2002 in gebruik geneem. Dit is dieselfde vlag wat oorspronklik met dié land se onafhanklikheidsverklaring van Portugal in 1975 in gebruik geneem is, voordat dit nege dae later deur Indonesië binnegeval is.[2] Op middernag van 19 Mei 2002, en gedurende die eerste oomblikke van die onafhanklikheidsdag die volgende dag is die vlag van die Verenigde Nasies gestryk en die vlag van die onafhanklike Oos-Timor gehys.

Ander vlae

’n Ander vlag vir Oos-Timor is voorgestel deur die verteenwoordigers van die Timorese politieke partye en organisasies gedurende die eerste Oos-Timorese Nasionale Konvensie wat in April 1998 in Portugal gehou is. Hierdie vlag was aanvanklik die vlag van die Conselho Nacional de Resistência Timorense (Nasionale Raad van Oos-Timorese Weerstand). As gevolg van CNRT se gewildheid is konsensus onder die deelnemers bereik en die Konvensie het hulle vlag as ’n tydelike vlag vir Oos-Timor aanvaar. Dit is vervang deur die vorige ontwerp van 1975 tot 2002.

  • Voorgestelde vlag vir Portugese Timor
    Ontwerp is voorgestel in die verlede maar nooit amptelik aanvaar nie Voorgestelde vlag vir Portugese Timor
  • Vlag van die Nasionale Raad van Oos-Timorese Weerstand (CNRT)
    Vlag van die Nasionale Raad van Oos-Timorese Weerstand (CNRT)

Verwysings
  1. (en) "Oos-Timor". Flags of the World. Geargiveer vanaf die oorspronklike op 9 Oktober 2019. Besoek op 15 Mei 2019.
  2. (en) Complete Flags of the World. Dorling Kindersley. 1997. p. 279. ISBN 978-1-4093-5371-3.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.