Vlag van Maledive

Die nasionale vlag van Maledive is op 25 Julie 1965 amptelik in gebruik geneem. Die vlag vertoon ’n groen baan met ’n dik rooi fraiing reg rondom en ’n wit sekelmaan in die middel van die vlag.

Vlag van Maledive
Vlag van Maledive
Vlag van Maledive
Gebruik Nasionale vlag en vaandel Nasionale vlag en vaandel
Verhouding 2:3
Goedgekeur 25 Julie 1965[1]
Ontwerp ’n Groen baan met ’n dik rooi fraiing reg rondom en ’n wit sekelmaan in die middel

Simboliek

Die rooi fraiing stel die dapperheid van die volk se helde en hul gewilligheid om hul laaste druppel bloed ter verdediging van hul land te stort, voor. Die groen stel vrede en voorspoed voor. Die wit sekelmaan stel ’n staat van verenigde Islamitiese geloof voor.

Ontwerp

Die fraiing is die helfte so dik soos die hoogte van die groen reghoek. Die wit sekelmaan is reg in die middel van die groen reghoek.

Konstruksietekening
Konstruksietekening

Geskiedenis

Die eerste vlag van die Maledive het bestaan uit ’n eenvoudige rooi baan. Later is ’n vertikale baan in swart en wit afwisselend aan die vlagpaalkant toegevoeg wat die Dhandimathi genoem is.[2]

Hierdie weergawe van die vlag is gebruik tot vroeg in die 20ste eeu toe Abdoel Madjeed Didi ’n sekelmaan tot die vlag toegevoeg het. Terselfdertyd is ’n afsonderlike staatsvlag gemaak waarvan die sekelmaan op ’n groen reghoek was. Hierdie veranderinge is iewers tussen 1926 en 1932 aangebring tydens Abdoel Madjeed se termyn as Eerste Minister.[3]

In 1953 het Maledive ’n republiek geword, wat uitgeloop het op verandering van die vlag. Die nasionale vlag is laat vaar en die sekelmaan op die staatsvlag is vertikaal omgekeer. In 1954 is die Sultanaat herstel maar die vlag het onveranderd gebly.[4] Moehammaf Fareed Didi het besluit om eerder ’n nuwe vlag spesifiek vir die Sultan te skep met ’n vyfpuntige ster langs die sekelmaan. ’n Weergawe van hierdie vlag word vandag nog as die Presidensiële Standaard gebruik.

Toe die Maledive in 1965 onafhanklikheid verkry het is die baan in swart en wit aan die vlagpaalkant verwyder.

  • Vroegste vlag van Maledive
    Ontwerp is in verlede gebruik maar sedertdien laat vaar Vroegste vlag van Maledive
  • Vlag van Maledive, tot 1903
    Ontwerp is in verlede gebruik maar sedertdien laat vaar Vlag van Maledive, tot 1903
  • Vlag van Maledive, ±1926 tot 1953
    Ontwerp is in verlede gebruik maar sedertdien laat vaar Vlag van Maledive, ±1926 tot 1953
  • Vlag van Maledive Eilandprotektoraat, ±1926 tot 1935
    Ontwerp is in verlede gebruik maar sedertdien laat vaar Vlag van Maledive Eilandprotektoraat, ±1926 tot 1935
  • Vlag van Maledive Eilandprotektoraat, 1953 tot 1965
    Ontwerp is in verlede gebruik maar sedertdien laat vaar Vlag van Maledive Eilandprotektoraat, 1953 tot 1965
  • Standaard van die Sultan, 1954 tot 1965
    Ontwerp is in verlede gebruik maar sedertdien laat vaar Standaard van die Sultan, 1954 tot 1965
  • Standaard van die Sultan, 1965 tot 1968
    Ontwerp is in verlede gebruik maar sedertdien laat vaar Standaard van die Sultan, 1965 tot 1968
  • Vlag van die wegbreek Verenigde Republiek Suvadiva, 1959 tot 1963
    Ontwerp is in verlede gebruik maar sedertdien laat vaar Vlag van die wegbreek Verenigde Republiek Suvadiva, 1959 tot 1963

Ander vlae
  • Presidensiële standaard van Maledive sedert 1968
    Ontwerp is in verlede gebruik maar sedertdien laat vaar Presidensiële standaard van Maledive sedert 1968
  • Standaard van die Eerste Minister van Maledive
    Standaard van die Eerste Minister van Maledive

Verwysings
  1. "Maledive" (in Engels). Flags of the World. Geargiveer vanaf die oorspronklike op 18 Oktober 2001. Besoek op 27 Mei 2019.
  2. Maldive Koninklike Familie. "Sultanaat van die Maledive (-1949)" (in Engels). Geargiveer vanaf die oorspronklike op 22 November 2019. Besoek op 5 Julie 2004.
  3. "http://www.worldstatesmen.org/Maldives.htm"
  4. "Maldive: Van protektoraat tot onafhanklikheid (1949–1968)" (in Engels). Geargiveer vanaf die oorspronklike op 19 September 2017. Besoek op 4 Junie 2015.

Eksterne skakels
Hierdie artikel is in sy geheel of gedeeltelik vanuit die Engelse Wikipedia vertaal.
   
Klik vir info oor hierdie sjabloon.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.