Vlag van Katar

Die nasionale vlag van Katar is op 9 Julie 1971 amptelik in gebruik geneem. Die vlag vertoon twee vertikale bane in wit aan die vlagpaalkant en maroen aan die wapperkant, geskei deur nege wit driehoeke wat ’n sigsaglyn vorm.

Vlag van Katar
Vlag van Katar
Vlag van Katar
Gebruik Nasionale vlag en vaandel Nasionale vlag en vaandel
Verhouding 11:28
Goedgekeur 9 Julie 1971[1]
Ontwerp Twee vertikale bane in wit aan die vlagpaalkant en maroen aan die wapperkant, geskei deur nege wit driehoeke wat ’n sigsaglyn vorm.

Simboliek

Die wit stel vrede voor, die maroen (wat in ’n vroeëre weergawe rooi was) stel die bloed wat gevloei het in talle oorloë in Katar voor terwyl die sigsaglyn Katar voorstel as die negende lid van die ‘herenigde Emirate’ van die Persiese Golf aan die einde van die Katars-Britse verdrag in 1916.

Ontwerp
Wapperende vlag van Katar

Die gebruik van ’n pers kleur in Katar dateer ’n paar eeue terug.[2] Daar word aangevoer van Katar die eerste was om ’n kleurstof van skulpvis te maak gedurende die tydperk van die Kassiete en dat hulle ’n kleurstofindustrie aan die kus van Katar bedryf het wat die pers kleurstof vervaardig het.[3][4] Katar was ook bekend vir sy produksie van pers kleurstof gedurende die regering van die Sassanidiese Ryk.[5] Mohammed bin Thani, wat van 1847 tot 1876 aan bewind was, het ’n vlag met ’n pers-rooi kleur voorgestel in ’n poging om die staat te verenig en om die geskiedkundige betekenis daarvan uit te lig. Die vlag se kleure is deur die son verdonker wat uitgeloop het op die maroen kleur.[2] In 1932 het die Britse Vloot voorgestel dat ’n amptelike vlag ontwerp moes word. Hulle het voorgestel dat die vlag rooi moes wees maar Katar het verkies om maroen te gebruik.[2]

Wit Maroen
RGB-kleursisteem 255-255-255 112-25-61
Heksadesimaal FFFFFF 70193D

Die ontwerp van die Katarse vlag is 11 in hoogte by 28 in breedte (die wit baan is 8, die maroen baan is 18 en die sigsagvorm is 2).

Geskiedenis

Die vlag van Katar is aanvaar voordat Katar op 3 September 1971 onafhanklikheid van Brittanje verkry het. Katar het sy eenvoudige rooi vlag gewysig met die toevoeging van ’n vertikale wit baan aan die vlagpaalkant om te strook met die Britse riglyne in die middel-19de eeu. Die negepuntige getande rand is in die middel van die 20ste eeu tot die vlag toegevoeg en rooi is laat vaar vir maroen in 1949. Dit het aanleiding gegee tot die huidige vlag. In 1855 het Sjeik Jassim bin Mohammed Al Thani reeds ’n vlag met ’n soortgelyke patroon gebruik met ’n pers-rooi en wit kleurskema. Hoewel ’n soortgelyke vlag in die verhouding 11:30 reeds sedert 1949 gebruik is, is die vlag amptelik op 6 Julie 1971 vir gebruik aanvaar.

Ander vlae

Vorige vlae
  • Vlag van Katar, 1916 tot 1936
    Ontwerp is in verlede gebruik maar sedertdien laat vaar Vlag van Katar, 1916 tot 1936
  • Vlag van Katar, 1936 tot 1949
    Ontwerp is in verlede gebruik maar sedertdien laat vaar Vlag van Katar, 1936 tot 1949
  • Vlag van Katar, 1949 tot 1971
    Ontwerp is in verlede gebruik maar sedertdien laat vaar Vlag van Katar, 1949 tot 1971

Verwante vlae
  • Lugmagvaandel van Katar
    Lugmagvaandel van Katar

Soortgelyke vlae

Verwysings
  1. "Katar" (in Engels). Flags of the World. Geargiveer vanaf die oorspronklike op 11 Januarie 2020. Besoek op 27 Mei 2019.
  2. "Al Adaam. Geskiedenis van 'n Volk" (in Engels). Qatar e-Regering. Geargiveer vanaf die oorspronklike op 9 Oktober 2019. Besoek op 28 Januarie 2015.
  3. (en) Sterman, Baruch (2012). Rarest Blue: The Remarkable Story Of An Ancient Color Lost To History And Rediscovered. Lyons Press. pp. 21–22. ISBN 978-0-7627-8222-2.
  4. (en) Khalifa, Haya; Rice, Michael (1986). Bahrain Through the Ages: The Archaeology. Routledge. pp. 79, 215. ISBN 978-0-7103-0112-3.
  5. "Katar – Vroeë geskiedenis" (in Engels). globalsecurity.org. Geargiveer vanaf die oorspronklike op 9 Oktober 2019. Besoek op 17 Januarie 2015.

Eksterne skakels
Hierdie artikel is in sy geheel of gedeeltelik vanuit die Engelse Wikipedia vertaal.
   
Klik vir info oor hierdie sjabloon.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.