Vlag van Eswatini

Die nasionale vlag van Eswatini (voorheen Swaziland) is op 6 Oktober 1968 amptelik in gebruik geneem. Die vlag vertoon ’n horisontale tweekleur in blou, rooi en blou met dik geel fraiings langs die rooi baan; in die middel van die rooi baan is ’n tradisionele Nguni-skild (in swart en wit), ’n staf met veretossels en twee spiese.

Vlag van Eswatini
Vlag van Eswatini
Vlag van Eswatini
Gebruik Nasionale vlag Nasionale vlag
Verhouding 2:3
Goedgekeur 6 Oktober 1968
Ontwerp ’n Horisontale tweekleur in blou, rooi en blou met dik geel fraiings langs die rooi baan met ’n Nguni-skild in die middel van die rooi baan.

Simboliek

Die blou stel vrede en stabiliteit voor, die rooi bloed van oorloë in die verlede[1] en die geel fraaiings die natuurlike hulpbronne van Eswatini. Die wit en swart van die skild stel goeie rasseverhoudinge voor, die drie veretossels die koninklike lyn van die Swazi’s en die spiese agter die skild Eswatini se verdediging teen sy vyande.

Ontwerp

Die vlag van Eswatini is gebaseer op ’n vlag wat opperhoofman (en later koning) Sobhuza II in 1941 aan ’n leërkorps toegeken het. Hierdie vlag het (na enkele klein aanpassings) in 1968 die vlag van die onafhanklike koninkryk Swaziland geword.

Ander vlae
  • Vlag van Swaziland, 1894
    Ontwerp is in verlede gebruik maar sedertdien laat vaar Vlag van Swaziland, 1894
  • Koninklike vlag van Eswatini
    Koninklike vlag van Eswatini

Verwysings
  1. Greig, Charlotte. The Dictionary of Flags. Grange Books. ISBN 1-84013-758-4

Eksterne skakels
  • (en) eSwatini by Flags of the World.
  • (en) "Flag of Eswatini". Encyclopædia Britannica. Besoek op 14 Mei 2019.
Hierdie artikel is in sy geheel of gedeeltelik vanuit die Engelse Wikipedia vertaal.
   
Klik vir info oor hierdie sjabloon.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.