Vlag van Anguilla

Die nasionale vlag van Anguilla is op 30 Mei 1990 amptelik in gebruik geneem. Die vlag vertoon ’n blou Britse vaandel met die eiland se wapenskild op die wapperkant.

Vlag van Anguilla
Vlag van Anguilla
Vlag van Anguilla
Gebruik Burgerlike- en Staatsvlag en vaandel Burgerlike en staatsvlag en staatsvaandel
Verhouding 1:2
Goedgekeur 30 Mei 1990[1]
Ontwerp ’n Blou Britse vaandel met die eiland se wapenskild op die wapperkant.

Simboliek

Die drie oranje dolfyne in die wapenskild op die vlag stel deursettingsvermoë, eenheid en krag voor en is in ’n sirkel wat kontinuïteit voorstel. Die wit agtergrond stel vrede en rustigheid voor en die turkoois strook onderaan die skild stel die omliggende see asook geloof, jeug en hoop voor.[2]

Geskiedenis

Tot 1967 was die Britse Union Jack die enigste amptelike vlag van Anguilla. Die rewolusie van 1967 het egter ’n nuwe vlag opgelewer. Dit was ’n rooi vlag waarop twee meerminne wat ’n skuld vashou op ’n blou skild verskyn. Die vlag is nooit amptelik aanvaar nie en is gou vervang deur die “Driedolfynevlag”. Hierdie driedolfynevlag is onmiddellik aanvaar en word vandag steeds gereeld deur eilandbewoners gebruik alhoewel dit nie die amptelike vlag is nie.

Die Driedolfynevlag is vir ’n aantal jare gebruik maar daar was ’n gevoel dat Anguilla sy eie amptelike vlag moes kry. Brian Canty, voormalige goewerneur van Anguilla het die idee deurgevoer en ’n aantal voorstelle is aan Koningin Elizabeth II vir goedkeuring gestuur.

Die nuwe (huidige) vlag is vir die eerste keer op 30 Mei 1990 gehys.

Ander vlae
  • Vlag van St. Kitts-Nevis-Anguilla, 1967 tot 1983
    Ontwerp is in verlede gebruik maar sedertdien laat vaar Vlag van St. Kitts-Nevis-Anguilla, 1967 tot 1983
  • Vlag van St. Kitts-Nevis-Anguilla
    Vlag van St. Kitts-Nevis-Anguilla
  • Vlag van die Goewerneur van Anguilla
    Vlag van die Goewerneur van Anguilla
  • Die Driedolfynevlag van Anguilla, 1967 tot 1969
    Ontwerp is in verlede gebruik maar sedertdien laat vaar Die Driedolfynevlag van Anguilla, 1967 tot 1969
  • Vlag van Anguilla, 1967
    Ontwerp is in verlede gebruik maar sedertdien laat vaar Vlag van Anguilla, 1967

Verwysings
  1. (en) Anguilla by Flags of the World. URL besoek op 27 Oktober 2010
  2. (en) Dolfynvlag van Anguilla by Flags of the World. URL besoek op 27 Oktober 2010

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.