Viking-program

Die Viking-program bestaan uit twee ruimtetuie, Viking 1 en Viking 2, wat na Mars gestuur is. [1] Elk van die twee ruimtetuie het bestaan uit twee gedeeltes: die wenteltuig wat om Mars moes bly wentel en foto's neem en die landingstuig wat ontwerp is die planeet se oppervlakte te ondersoek. Die wenteltuie het ook as kommunikasie herhalerstasies gedien vir die twee landingsvoertuie nadat hulle die oppervlakte van Mars bereik het.

Kunstenaar voorstelling van 'n Viking wenteltuig wat die landingstuig loslaat

Die Viking-program het gegroei uit NASA se vroeë, meer ambisieuse Voyager Mars-program wat later gekanselleer is. Laasgenoemde was vervang met die bekende Voyager-program wat Voyager 1 en Voyager 2 insluit. Viking 1 is gelanseer op 20 Augustus 1975 en Viking 2 op 9 September 1975. Beide is gelanseer met die Titan IIIE vuurpyl wat die Centaur as 'n fase twee vuurpyl gebruik het. Viking 1 het in 'n wentelbaan om Mars gegaan op 19 Junie 1976 en Viking 2 op 7 Augustus 1976.

Die twee ruimtetuie, nog steeds aan mekaar gekoppel, wentel om Mars vir langer as 'n maand en stuur gedurende die tyd beelde na die aarde sodat geskikte landingsareas uitgesoek kan word. Die tweeruimtetuie ontkoppel en die landingstuie dring Mars se atmosfeer binne en doen 'n sagte landing op die gekose landings gebiede. Viking 1 het op 20 Julie 1976 geland en Viking 2 op 3 September. Die wenteltuie het aan hou wentel om Mars, foto's geneem en ander wetenskaplike toetse uitgevoer terwyl die landingstuie meetinstrumente op Mars se oppervlakte ontplooi het.

Die projek het ongeveer VS $1 biljoen in 1970 gekos,[2][3] die ekwivalent van ongeveer $5 biljoen in 1970. Die program word as suksesvol beskou en word ook beskou as die program wat die meeste inhoud tot die inligting oor Mars tussen laat 1990 en die vroeë 2000's bygedra het.[4][5]

Wetenskaplike doelwitte
  • Om hoë resolusie fotos van Mars se oppervlakte te neem.
  • Om die samestelling en struktuur van Mars se atmosfeer en oppervlakte te bepaal.
  • Soek bewys dat lewe op Mars bestaan.

Verwysings
  1. Williams, David R. Dr. (18 Desember 2006). "Viking Mission to Mars". NASA. Besoek op 2 Februarie 2014.
  2. "Viking 1 Orbiter spacecraft details". NASA Space Science Data Coordinated Archive. NASA. 20 Maart 2019. Besoek op 10 Julie 2019.
  3. "Viking 1: First U.S. Lander on Mars". Space.com. Besoek op 13 Desember 2016.
  4. "The Viking Program". The Center for Planetary Science. Besoek op 13 April 2018.
  5. "Viking Lander". California Science Center. 3 Julie 2014. Geargiveer vanaf die oorspronklike op 30 September 2020. Besoek op 13 April 2018.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.