VfB 1906 Sangerhausen

VfB 1906 Sangerhausen is 'n sportklub uit Sangerhausen in die deelstaat Sakse-Anhalt in Duitsland, veral bekend vir sy sokkerafdeling. Behalwe sokker, het die klub ook afdelings vir kegelbal en fietsry.

VfB 1906 Sangerhausen

Volledige naam	Verein für Bewegungsspiele 1906 Sangerhausen e.V.
Stigtingsdatum	1906
Tuisveld	Friesenstadion, Sangerhausen
Kapasiteit	4 000
Kompetisie	Oberliga Noordoos-Suid

Die klub het twee stamvoorgangers: VfB Sangerhausen, wat in 1906 gestig is en BSC 07 Sangerhausen, wat 'n jaar later ontstaan het. Na die Tweede Wêreldoorlog is al 23 sportverenigings in Sangerhausen deur die Geallieerdes ontbind. Al die sokkerspelers het in 1948 by die nuutgestigte SG Wacker 48 aangesluit. Kort hierna is die Betriebssportgemeinschaftens deur die sportkomitee van die DDR in die lewe geroep. Al die sportlui moes in 1949 by die nuutgestigde BSG Mifa aansluit. Nog 'n klub, BSG Einheit Sangerhausen, is later in dieselfde jaar gestig. Mifa is in 1950 deur BSG Aktivist vervang. In 1956 het die sokkerafdelings van BSG Aktivist en BSG Einheit Sangerhausen saamgesmelt as BSG Stahl Sangerhausen. Die klub is later weer herdoop na BSG Mansfeld-Kombinat Sangerhausen en het in 1980 sy grootste prestasie behaal deur vir 1 seisoen na die DDR-Liga te promoveer.

Na die hereniging van Duitsland in 1990 is die klub herdoop as SSV Blau-Weiß 1990 Sangerhausen. In 1993 het die sokkerafdeling onafhanklik geword onder die huidige naam.