Ventersburg

Ventersburg is 'n dorp in die Lejweleputswa Distriksmunisipaliteit in die Vrystaat, in Suid-Afrika. Die dorp is sowat 50 km suid van Kroonstad, 50 km noord van Winburg, oos van Welkom en Virginia en lê op die N1 nasionale pad.

Ventersburg
Voorstad
Die N1 by Ventersburg
Die N1 by Ventersburg
Ventersburg is in Vrystaat
Ventersburg
Ventersburg
 Ventersburg se ligging in Vrystaat
Koördinate: 28°5′5″S 27°8′22″O
LandVlag van Suid-Afrika Suid-Afrika
ProvinsieVrystaat
DistrikLejweleputswa
MunisipaliteitMatjhabeng
Stigting1857
Oppervlak
 • Totaal3,09 km2 (1,19 vk. myl)
Bevolking
 (2011)[1]
 • Totaal1 297
 • Digtheid420/km2 (1 100/vk. myl)
Rasverdeling (2011)
 • Wit mense54,5%
 • Indiërs/Asiërs1,5%
 • Bruin mense2,7%
 • Swart mense40,3%
 • Ander1,0%
Taal (2011)
 • Afrikaans 71,1%
 • Suid-Sotho 15,8%
 • Engels 5,7%
 • Xhosa 3,0%
 • Ander 3,4%
Poskode (strate)
9450
Poskode (posbusse)
9450
Die NG kerk Ventersburg.
Die Gereformeerde kerk Ventersburg in 2016, 103 jaar nadat dit ingewy is.

Geskiedenis

Die dorp is op die plaas Kromfontein uitgelê in 1872. Die eerste eienaar van die plaas was P.A. Venter na wie die dorp genoem is in 1857. Venter was 'n veldkornet en vriend van Moshoeshoe. Toe Venter in 1857 sterf, het sy seun BG Venter ingestem dat sy huis as 'n kerk gebruik kan word. 'n Dorp het op die kerkplaas ontwikkel en die eerste erwe is in 1872 verkoop. Formele proklamasie het in 1876 gevolg. Verskeie gevegte het tydens die Tweede Vryheidsoorlog in die omgewing plaasgevind.

Distrik

Die distrik van 1 235 km² is van gemengde boerdery afhanklik: beeste, skape, mielies en koring.

Besienswaardighede

Daar is oorblyfsels van 'n klipskans, in die buitewyke van die dorp, wat in 1858 gebou is. Die klipskans is gebou om mense van die omgewing teen die Basoeto's te beskerm tydens die Oranje-Vrystaat se eerste oorlog met die hulle. Waar die N1 nasionale pad die Sandrivier kruis, sowat 18 km suid van die dorp, is die Sandrivierkonvensie gedenkteken. Dit is gebou om die konvensie wat op 17 Januarie 1852 geteken is te gedenk wat Zuid-Afrikaansche Republiek se onafhanklikheid van Brittanje waarborg.[2]

Sien ook

Verwysings
  1. "Hoofplek Ventersburg". Sensus 2011.
  2. Erasmus, B.P.J. (1995). Op Pad in Suid-Afrika. Jonathan Ball Uitgewers. ISBN 1-86842-026-4.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.