Velskoenblaar

Die velskoenblaar of bobbejaanoor (Haemanthus sanguineus) is 'n Suid-Afrikaanse bolplant wat endemies in die fynbos van die Wes-Kaap en Oos-Kaap voorkom. Die SANBI-rooilys beskryf dit as 'n veilige (LC) en stabiele spesie.[1]

Haemanthus sanguineus
Wetenskaplike klassifikasie
Koninkryk:
Plantae
Divisie:
Tracheophyta
Klas:
Liliopsida
Orde:
Asparagales
Familie:
Amaryllidaceae
Genus:
Haemanthus
Spesie:
H. sanguineus
Binomiale naam
Haemanthus sanguineus
Jacq., (1804)
Sinonieme
  • Haemanthus cooperi Baker
  • Haemanthus incarnatus Burch. ex Herb.
  • Haemanthus lambertianus Schult. & Schult.f.
  • Haemanthus obliquus Donn
  • Haemanthus orbicularis Donn
  • Haemanthus rotundifolius Ker Gawl.
  • Haemanthus rotundifolius var. multivalvis Herb.
  • Melicho sanguineus (Jacq.) Salisb.

Die plant is dormant in die somer en kan nie gesien word nie. In die herfs verrys 'n treffende bloedrooi blom vanuit die grond. Dit bestaan uit 'n bloedrooi stam wat 'n massa van klein rooierige en geel blommetjies dra.

Die plant produseer twee ronde leeragtige blare in die herfs en winter. Hierdie blare lê plat op die grond en het tipies 'n rand van rooi haartjies. Die blare is diep groen aan die bokant, maar het pienk en rooi kolle aan die onderkant.

Fotogalery
  • Bloeiwyse
    Bloeiwyse
  • Plat, ronde blare
    Plat, ronde blare

Verwysings
  1. "SANBI-rooilys". Geargiveer vanaf die oorspronklike op 1 Junie 2020.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.