Veldhokkie

Veldhokkie is 'n spansport wat op 'n veld soortgelyk aan dié van sokker gespeel word. Dit word normaalweg met elf of meer spelers gespeel. Die spel word deur twee spanne gespeel en die doel is om die bal in die teenstanders se doelhok te skiet.

Piktogram wat Veldhokkie aandui
Hokkiespeler Anke Kühn van Duitsland
Suid-Afrika se nasionale hokkiespan tydens die Olimpiese Somerspele 2008 in Beijing

Speltoerusting

Elke speler het sy eie hokkiestok. Bekende soorte hokkiestokke sluit in "Grays", "Malik" en "Kookaburra".

'n Harde bal wat omtrent so groot soos 'n krieketbal is word tydens die spel gebruik.

Om beserings te voorkom word spelers verplig om met beenskutte en mondskerms te speel.

Die spel word op 'n grasoppervlak gespeel (Gr. 1 tot 12); na skool of tydens klubhokkie word daar gewoonlik op 'n "AstroTurf"-oppervlak gespeel.

Die spel

Die bal word in die middel van die baan geplaas. Die kapteins van die twee spanne wat teen mekaar meeding besluit watter span eerste sal begin. Die spanne staan aan weerskante van die middellyn en die span wat begin slaan of stoot die bal vir hulle spanlede. 'n Wedstryd op hoë vlak is gewoonlik 2X15 minute aan 'n kant. Op hoërskool wissel dit tussen 20 min, 25 min of 30 min, afhangende van die tipe span. Daar is ook 'n 15 minute pouse, genaamd halftyd.

Soos enige sport het hokkie ook reëls en daar is ook 'n groen-, geel- en rooikaart vir oortredings.

Sien ook

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.