Veerboot

'n Veerboot is 'n boot of skip wat 'n gereelde verbinding tussen vasgestelde punte onderhou. Veerbote word gebruik om mense, voertuie en goedere oor die water te vervoer. Dit word ter see, op mere, in kanale en riviere gebruik.

'n Groot veerboot in Finland.

Binnekant van 'n veerboot wat treine en karre vervoer.

Party plekke kan slegs deur middel van 'n veerboot bereik word, omdat dit nie deur paaie of spoorlyne met brûe of tonnels, of enige lughawens vir vliegtuie, bedien word nie. 'n Reis per veerboot kan soms gratis onderneem word, hoewel daar meestal daarvoor betaal moet word.

Sommige veerbote het paaie en treinspore op die dek, wat motors en treine toelaat om op te ry, en aan die ander kant weer af te ry.

Op 6 Maart 1987 is 193 mense naby Zeebrugge in 'n veerboot, die M/S Herald of Free Enterprise, oorlede. Die ongeluk is deur 'n bemanningslid veroorsaak wat vergeet het om die boegdeure te sluit. Die veerboot was oor die Engelse Kanaal na Dover in Engeland onderweg.[1]

Verwysings

Whittingham, R. B. (2008). Preventing corporate accidents: an ethical approach. Butterworth-Heinemann. p. 290. ISBN 0-7506-8062-8., Appendix 1, p 290

Eksterne skakels

Wikimedia Commons het meer media in die kategorie Veerboot.

Wikiwoordeboek het 'n inskrywing vir veerboot.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] Whittingham, R. B. (2008). Preventing corporate accidents: an ethical approach. Butterworth-Heinemann. p. 290. ISBN 0-7506-8062-8., Appendix 1, p 290