Vauxhall Motors

Vauxhall Motors ([ˈvɒksɔːl]; amptelik geregistreer as General Motors UK Limited)[4] is 'n Britse motorvervaardiger en -verspreider wat sy hoofkwartier in Luton, Engeland het. Vauxhall Motors was 'n dogteronderneming van die Duitse Adam Opel AG wat op sy beurt deur die Amerikaanse motorreus General Motors (GM) besit was.

Vauxhall Motors
Tipe Beperkte maatskappy
Gestig 1857[1]
Hoofkantoor Luton, Bedfordshire,  Engeland (2 fabrieke in die VK)
SleutelpersoneRory Harvey, voorsitter & besturende direkteur[2]
Gebied bedienwêreldwyd
IndustrieMotorvervaardiging
ProdukteMotors
kommersiële voertuie
DiensteFinansiering van motors
Inkomste£3,785 miljard (2004)[3]
Bedryfsinkomste£131 miljard (2004)[3]
Netto inkomste£-176 miljoen (2004)[3]
Werknemers4 029 (2011)
MoedermaatskappyAdam Opel AG
DivisiesVXR
Webwerfvauxhall.co.uk

Die onderneming bemark passasiersvoertuie en ligte vragmotors onder die Vauxhall-handelsmerk, terwyl dit in die verlede ook busse en vragmotors onder die Bedford-handelsnaam verkoop het. Vauxhall is tans die motorhandelsmerk met die tweede meeste verkope in die Verenigde Koninkryk.

Vauxhall is in 1857 deur Alexander Wilson as 'n pomp- en mariene enjinvervaardiger in die Londense Vauxhall-buurt gestig, wat sy produkportefeulje in 1903 met die ontwikkeling van 'n enkelsilinder-voertuig na motors uitgebrei het. In 1925 is die onderneming, wat reeds in 1905 weens ruimtelike beperkings na Luton in Bedfordshire verskuif is, deur GM oorgeneem. Bedford Vehicles is in 1930 as 'n dogteronderneming van Vauxhall vir die vervaardiging van kommersiële voertuie gestig. Gedurende verskeie tye in sy geskiedenis was Vauxhall Motors by motorsport betrokke, so onder meer by die British Touring Car Championship.

Vauxhall het aanvanklik op die luukse motormark gefokus en eers ná die Tweede Wêreldoorlog begin om toenemend voertuie vir die massamark te vervaardig. Sedert 1980 is Vauxhall se motorreekse gerasionaliseer. So word die meeste modelle tans in Rüsselsheim, Duitsland ontwerp en ontwikkel en is die meeste Vauxhall- en Opel-reekse identies. Die Vauxhall-handelsnaam is sedert die 1980's beperk tot die Verenigde Koninkryk, die Kanaaleilande en die Eiland Man.

Vauxhall bedryf twee vervaardigingsaanlegte in Luton en Ellesmere Port. Die Luton-aanleg, waar hoofsaaklik kommersiële voertuie vervaardig word, het 'n kapasiteit van ongeveer 100 000 eenhede per maand, met sowat 900 werknemers in diens. Die fabriek in Ellesmere Port met 1 880 werknemers het 'n kapasiteit van 187 000 eenhede en vervaardig hoofsaaklik passasiersvoertuie.

'n Groot deel van die motors wat in die Verenigde Koninkryk onder die handelsnaam Vauxhall verkoop word, word in Opel-aanlegte in Duitsland, Spanje en Pole vervaardig, terwyl rofweg 80 persent van alle deur Vauxhall-vervaardigde motors vir uitvoer bestem is en merendeels onder die Opel-handelsnaam verkoop word.

Na 92 jaar van eienaarskap verkoop General Motors Vauxhall in 2017 aan die Franse motorvervaardiger Groupe PSA.[5]

Verwysings
  1. "Vauxhall Motors". Vauxhall Civic Society (in Engels). Geargiveer vanaf die oorspronklike op 17 Oktober 2015. Besoek op 7 Julie 2012.
  2. "RORY HARVEY APPOINTED CHAIRMAN AND MANAGING DIRECTOR OF VAUXHALL MOTORS AND CEO OPEL IRELAND". Vauxhall Media United Kingdom (in Engels). Geargiveer vanaf die oorspronklike op 1 Junie 2016. Besoek op 23 September 2015.
  3. (en) "Vauxhall Motors Limited". ICC Financial Analysis Reports. ICC Information Group. 11 September 2006.
  4. investing.businessweek.com: General Motors UK Limited: Private Company Information
  5. (en) "PSA Group purchase of Opel and Vauxhall completed with new financial company", Autocar.co.uk, 1 Augustus 2017

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.