Valsrivier (Vaal)

Die Valsrivier is 'n belangrike sytak van die Vaalrivier. Die Valsrivier ontspring by 'n punt ongeveer 25 km suidwes van Bethlehem, 20 km suidoos van Paul Roux en 25 km noord van Fouriesburg.[1] Naby sy oorsprong vloei die rivier onderdeur die N5 nasionale pad.

Vir ander riviere met dieselfde naam in die Wes-Kaap, sien asseblief Valsrivier.
Valsrivier
Stroomgebied Vrystaat, Suid-Afrika
Oorsprong Naby Paul Roux
Monding Vaalrivier
Oorsprong-hoogte 1880 m
Monding-hoogte 1337 m
Ligging van Valsrivier op 'n kaart (Vrystaat)
Valsrivier
Valsrivier
Koördinate: 27°40′37″S 27°12′40″O

Die opvanggebied van die Valsrivier is 7 870 vk. kilometer groot het een groot dam, die Serfonteindam, sowat 7 km buite Kroonstad. Daar is 'n aantal keerwalle deur die rivier.[2]

Die rivier kronkel verby Lindley, deur Kroonstad en onderdeur die N1 nasionale pad. Dit hou langs Bothaville verby, waar dit 5 km wes van Bothaville (net 2 km stroomaf van die Balkfonteinwaterwerke) in die Vaalrivier invloei.[3]

Wanneer die Valsrivier in vloed is, oorstroom dit soms die laagliggende oewergedeeltes van Bothaville. Gedurende 1988 is van die huise in Fonteinstraat oorstroom, en in Januarie 2010 het die water tot in agterplase gestyg.[4]

Vroeër jare was die ou wabrug net buite Bothaville 'n belangrike oorgang oor die Valsrivier.

Sytakke

Verwysings
  1. (en) GoogleMaps
  2. (en) Environment.gov.za Geargiveer 25 Oktober 2007 op Wayback Machine
  3. (en) GoogleMaps
  4. Berig in Volksblad[dooie skakel]
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.