Valletta

Valleta (Maltees: Il-Belt Valletta, algemeen verwys na as Il-Belt - "Die Stad") is die hoofstad van Malta. Die stad het 'n bevolking van 6 444 in 2014 gehad en het 'n oppervlakte van 0,8 km². Valletta is in 1980 deur Unesco as wêrelderfenisgebied gelys.

Valletta

Kaart Wapen
Vlag
 Land Vlag van Malta Malta
 Koördinate 35°54′N 14°31′O
 Gestig op 28 Maart 1566
 Hoofstad 18 Maart 1571
 Oppervlakte:  
 - Totaal 0,8 km²
 Hoogte bo seevlak 56 m
 Bevolking:  
 - Totaal (Maart 2014) 6 444
 - Bevolkingsdigtheid 8 100/vk km
 Tydsone UTC +1 (MET)
 - Somertyd UTC +2 (MEST)
 Klimaat  
 - Tipe Mediterreense seeklimaat
 - Gemiddelde jaarlikse temperatuur 18,7 °C
 - Gem. temp. Januarie/Julie 12,3 / 25,5 °C
 - Gemiddelde jaarlikse neerslae 519 mm
 Burgemeester Alexiei Dingli (PN)
 Amptelike Webwerf City of Valletta

Geskiedenis

Reeds gedurende die Middeleeue was daar 'n uitkykpos hier. Na die koms van die Orde van Malta is die uitkykpunt omskep in 'n sterk vesting. Na die suksesvolle afslaan van die Turkse inval in 1565, was daar 'n plan om 'n nuwe hoofstad op die vlakte te bou, wat die ou hoofstad Mdina moes vervang. Die eerste klip is op 28 Maart 1566 gelê. Pous Pius IV het ingenieur Francesco Laparelli opdrag gegee om die versterkte stad te ontwerp. Die stad is vernoem na grootmeester Jean de la Vallette († 1568), wat die eiland in 1565 teen die Turke verdedig het.

Die skilder Caravaggio het in die vroeë 17de eeu tyd op Malta deurgebring en sy "onthoofding van Johannes die Doper" geskilder. Hierdie skildery is in die St. John-katedraal van Valletta.

In 1798 is die stad verower deur Franse rewolusionêre troepe onder bevel van Napoleon Bonaparte. Twee jaar later is die stad deur die Britte ingeneem.

In 1992 is die Verdrag van Malta in Valletta onderteken, wat die hantering van argeologiese erfenis deur die Europese Unie reguleer.

Susterstede

Valletta is 'n susterstad met:[1]

Verwysings
  1. "Palermo and Valletta together for 2018. Cultural twinning at Palazzo Asmundo". palermoworld.it. Palermo World. Geargiveer vanaf die oorspronklike op 3 April 2020. Besoek op 18 September 2019.

Eksterne skakels


Hierdie artikel is in sy geheel of gedeeltelik vanuit die Nederlandse Wikipedia vertaal.
   
Klik vir info oor hierdie sjabloon.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.