Vadim Repin

Vadim Viktorovich Repin (Russies: Вадим Викторович Репин, Russiese fonetiese uitspraak: vɐˈdʲim ˈvʲiktərəvʲɪtɕ ˈrʲepʲɪn;[1] * 31 Augustus 1971) is 'n Russiese en Belgiese violis en woon in Wene, Oostenryk.[2]

Vadim Repin
Vadim Repin in 2011
Gebore
Vadim Viktorovich Repin

31 Augustus 1971 (1971-08-31)
Novosibirsk, Russiese Sowjet-Federale Sosialistiese Republiek, Sowjetunie
BeroepKlassieke violis
Webwerfwww.vadimrepin.com

Nadat die violis Yehudi Menuhin een van Repin se opvoerings gehoor het, het hy gesê dat "Vadim Repin eenvoudig een van die beste en mees perfekte violiste is wat ek ooit aangehoor het."[2][3][4]

Opvoeding

Repin is op 31 Augustus 1971 in Novosibirsk, Wes-Siberië gebore. Hy het in 1985 op 14-jarige ouderdom sy debuutverskynings gemaak in Tokio, München, Berlyn, Helsinki, en 'n jaar later in Carnegie Hall.

Professionele loopbaan

Repin het op 17 in Brussel die jongste wenner geword van die vioolafdeling van die Koningin Elisabeth Musiekkompetisie, een van die wêreld se belangrikste vioolkompetisies. Hy was deel van die beoordelingspaneel vir die vioolafdeling van die kompetisie in 2009.[5] Repin het onder die voorste dirigente gespeel soos Simon Rattle, Waleri Gergijef en Mariss Jansons.

Repin was meermale 'n gas by musiekfeeste soos die BBC Proms, Tanglewood, Gstaad en Verbier.[6] In 2010 het hy die première van James MacMillan se Vioolconcerto saam met die Londen Simfonieorkes onder Gergijef gespeel. Die werk is aan Repin opgedra.[7]

Repertorium en opnames

Repin spesialiseer in Russiese en Franse musiek, veral die groot Russiese vioolconcertos, sowel as 20ste eeuse en kontemporêre musiek.

Instrumente
  • 1982-1984 'n unieke Stradivarius driekwartgrootte viool, geleen by die Russiese Staatsversameling
  • 1984–1989 Stradivarius 1720 "ex-Wieniawski-Wieniawski" geleen by die Russiese Staatsversameling
  • 1996 Repin het vir 'n kort rukkie die Guarneri del Gesù 1737 "Isaac Stern ex-Panette-Panette," gespeel, geleen by David Fulton
  • 1996–2005 Stradivari 1708 "Ruby",[8] voorheen gespeel deur Pablo de Sarasate
  • 2005 Guarneri del Gesù 1742 "Il Cannone ex Paganini". Geleen by die Munisipale Administrasie van Genua vir gebruik tydens 'n konsert in die stad
  • 2002-2009 Guarneri del Gesù 1736 "Von Szerdahely"
  • 2010-2013 Guarneri del Gesù 1743 "Bonjour"
  • 2013-2015 Guarneri del Gesù 1736 "Lafont"
  • Repin speel sedert 2015 'n Stradivarius 1733 "Rode" [9]

Sy verkose strykstokke word gemaak deur Nicolaus Kittel en Nicolas Maline.

Persoonlike lewe

Repin het in 2001 met Caroline Diemunsch getrou. Hul seun Leonardo is in 2006 gebore.[10]

Sy huidige vrou is [11] Svetlana Zakharova, die voormalige prima ballerina van die Bolsjoi-ballet.[12] Hulle het 'n dogter wat in Februarie 2011 gebore is.[13]

Eksterne skakels

Onderhoude

Resensies

Vadim Repin (viool) en Nikolai Loeganski (klavier):

  • Crescendo, resensie deur Noël Godts, vertaal uit die Frans in Engels, oor hul voordrag op 20 November 2002 in Brussel
  • Light-filled brilliance, resensie deur Herbert Müller, vertaal uit Duits in Engels, van Wienerzeitung, 27 November 2002

Vadim Repin (viool), Nikolai Loeganski (klavier), Mischa Maiski (tjello):

  • La Palme d'or pour les trois Russes (in Frans), Critique du récital de Vadim Repin, Nikolaï Lugansky et Misha Maïsky au Théâtre des Champs-Élysées in Paris, 25 Mei 2005, geskryf deur Gérard Mannoni

Verwysings
  1. Wadim Repin soos uitgespreel in Russies
  2. Artikel (in Duits) deur Susanna Dal Monte on www.oe1.orf.at, 21 Junie 2012
  3. Aankondiging van die Beethoven-orkes Bonn in Oktober 2011 (in Duits)
  4. Onderhoud met Wadim Repin(in Duits), Repin gesels onder andere oor sy verhouding met Menuhin; artikel deur Arnt Cobbers, Partiturentydskrif, bl. 62, uitgawe 14, 2008
  5. "Entry for Vadim Repin on the official site of the Queen Elisabeth competition". Queen Elisabeth International Music Competition. Geargiveer vanaf die oorspronklike op 14 April 2018. Besoek op 16 Mei 2015.
  6. Vadim Repin Biografie Geargiveer 26 Junie 2013 op Wayback Machine
  7. James MacMillan: Violin Concerto premiere with Vadim Repin artikel gepubliseer in April 2010 op boosey.com, die webtuiste van Boosey & Hawkes
  8. Interview de Vadim Repin à l'Actualité Musique d'Evene en Novembre 2008
  9. "Vadim Repin - Official Website".
  10. Profiel van Vadim Repin by die Moskouse Staats-Filharmoniese Orkes
  11. Vadim Repin, violinist – portrait of the artist, onderhoud deur Laura Barnett, 22 Januarie 2014, The Guardian.
  12. Aankondiging Geargiveer 23 Maart 2014 op Wayback Machine van 'n gesamentlike opvoering deur Svetlana Zakharova en Vadim Repin tydens die St Prex Classics in Sint-Prex op 20 en 21 Augustus 2013, gepubliseer op www.stprexclassics.com
  13. Bolshoi prima and violinist Repin have baby artikel deur Ismene Brown gedateer 18 Februarie 2011 op www.theartsdesk.com
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.