Vaatplant

Die vaatplante, tracheofiete of hoër plante is plante in die koninkryk Plantae wat gespesialiseerde weefsels vir die vervoer van water, minerale, en gefotosinteerde produkte deur die plant. Vaatplante sluit in die varings, kolfmosse, perdesterte, bedeksadiges (blomdraende plante), keëldraende plante en ander naaksadiges. Die wetenskaplike name vir vaatplante is Tracheophyta en Tracheobionta, maar dit word nie gereeld gebruik nie. Nievaatplante sluit vroeër ontwikkelde stamme in Plantae soos mosse, horingblad, en lewermosse in en lede van ander ryke soos verskeie alge.

Vaatplante Tydperk: Vroeë Siluriaan - Onlangs
Wetenskaplike klassifikasie
Koninkryk:	Plantae
Divisies
Niesaaddraende plant Equisetophyta Lycopodiophyta Psilotophyta Pteridophyta Superdivisie Spermatophyta Pinophyta Cycadophyta Ginkgophyta Gnetophyta Magnoliophyta

Die vaatplante word op twee maniere onderskei:

1. Vaatplante het vaatweefsel wat stowwe deur die plant kan vervoer. Dié eienskap maak dit vir vaatplante moontlik om groter te ontwikkel as nievaatplante wat nie dié gespesialisseerde geleidende weefsels besit nie en daarom beperk is tot betreklik klein groottes.
2. In vaatplante is die hoofgenerasiefase die sporofiet, wat 'n diploïed is met twee stelle chromosome per sel. In nievaatplant is die hoofgenerasiefase meestal die gametofiet, wat haploïed is met een stel chromosome per sel.

Watervervoer vind in die xileem of floëem plaas: xileem dra water en anorganiese oplossings opwaarts uit die wortels na die blare, terwyl floëem organiese oplossings deur die hele plant vervoer.

Groepe plante wat lignified geleidende weefsel het (xileemvate of tracheïede):