Vaaldriehoek

Die Vaaldriehoek is 'n groot driehoekige industriële gebied in Suid-Afrika wat deur Vanderbijlpark, Vereeniging en Sasolburg gevorm word.

Kaart van die Vaaldriehoek-streek wat die geografiese afbakening toon.

As gevolg van die swaar nywerhede in en rondom die Vaaldriehoek is die gebied berug vir lugbesoedeling en respiratoriese siektes. Om hierdie rede word die gebied soms die "vuil-driehoek" genoem.

Nabygeleë is die Vaaldam, vanwaar die massiewe PWV-megalopool (Pretoria, Witwatersrand en die Vaaldriehoek) se water afkomstig is. Die PWV-gebied vorm die stedelike hart van die Gautengprovinsie. Witwatersrand is die naam van die Groter Johannesburg area en die goud-draende rif waar goud in 1886 ontdek is.