V6-enjin

'n V6-enjin is 'n V-enjin met ses silinders wat in twee banke van drie silinders elk gemonteer is, gewoonlik op 'n 60 of 90 grade hoek tot mekaar. Die V6 is een van die kompakste enjinkonfigurasies, en verplasing wissel gewoonlik van 2,0 L tot 4,0 L, korter as die inlynviersilinder en meer kompak as die V8-enjin. Danksy sy kort lengte, pas die V6 goed in in die algemeengebruikte dwarsenjin-voorwieldryfuitleg.

Binne-aansig van 'n 24-klep, V6-dubbelbonokasenjin

Illustrasie van 'n V-enjin se rotasie

Dit word steeds meer gewild, omrede die ruimte wat toegelaat word vir enjins in moderne motors kleiner word terwyl die kragbehoefte verhoog. Dit het die inlynses grootliks vervang, wat byna twee keer so lank is - te lank om in meeste moderne enjinkompartemente te pas - en die V8: groter, duurder en met swaarder brandstofverbruik. Die V6-enjin is die algemeen aanvaarde enjin vir medium-grootte motors, dikwels as 'n opsionele enjin waar 'n inlynvier die standaard is, of as 'n standaardenjin waar 'n V8 'n hoëprestasieopsie is.

Hierdie artikel is in sy geheel of gedeeltelik vanuit die Engelse Wikipedia vertaal.