Universiteit van Wene

Die Universiteit van Wene (Duits: Universität Wien, Latyns: Alma Mater Rudolphina Vindobonensis) in die hoofstad Wene is die oudste universiteit met Duits as onderrigmedium asook een van die oudstes in Europa wat reeds in 1365 gestig is. Dit is die grootste universiteit en navorsingsinstelling in die Republiek van Oostenryk, met 19 fakulteite en 9 600 medewerkers, waarvan 6 800 wetenskaplikes en 416 professore, en 'n jaarlikse begroting van €572 miljoen. Met 94 000 nasionale en internasionale studente is dit ook die grootste tersiêre instelling in die Duitssprekende gebied asook een van die grootstes in Europa wat tans 175 studierigtings aanbied.

Universiteit van Wene
Latyn: Alma Mater Rudolphina Vindobonensis
Gestig:1365
Tipe:Openbare universiteit
President:Sebastian Schütze (rektor)
Personeel:9 613
Studentetal:94 000
Ligging:Wene, Vlag van Oostenryk Oostenryk
Kampus:Stedelik
Webtuiste:https://www.univie.ac.at/

Die Universiteit van Wene is die enigste in Oostenryk waar studente BA- en MA-grade in Nederlandistiek kan verwerf. Die Institut für Nederlandistik met sowat 200 voorgraadse studente uit Oostenryk en heel Europa het ook die "Projek Afrikaans" van stapel gestuur en onderhou die webwerf "Afrikaans in Europa".[1]

Verwysings
  1. Afrikaans in Europa
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.