Universiteit van Tilburg

Die Universiteit van Tilburg (Engels: Tilburg University) is 'n Nederlandse openbare universiteit wat spesialiseer in die vakgebiede Administrasie, Lettere, Sosiale en Gedragswetenskappe, Regte, Teologie en menslikheid, Ekonomie en Geesteswetenskappe. Dit is geleë in die stad Tilburg, deel van die provinsie Noord-Brabant, in die suide van Nederland

Die Universiteit van Tilburg het 'n studentetal van ongeveer 17 400, waarvan 18 persent internasionale studente is. Hierdie persentasie het oor die laaste aantal jare toenemend gegroei. Die universiteit bied sy programme in beide Nederlands en Engels aan. In 2019 was 48 uit 'n totaal van 71 (21 voorgraadse en 50 meestersprogramme) in medium Engels. Die Universiteit van Tilburg ken gemiddeld 120 PhDs per jaar toe.[1]

Die instelling het 'n wêreldwye reputasie opgebou vir sowel navorsing as onderrig. Op die gebied van akademiese publikasies het "Research Papers in Economics" die Fakulteit Ekonomie en Bedryfsadministrasie as die 23ste produktiefste navorsingsdepartement ter wêreld en die 6de in Europa aangewys.[2] Volgens die Shanghai-rangorde van 2020 beklee die Universiteit van Tilburg 'n 6de plek op die gebied van bedryfsadministrasie en 'n 24ste plek op die gebied van finansies wêreldwyd. [3] [4] Op die gebied van die regte is die Universiteit van Tilburg 28ste in die wêreld en tweede in Nederland volgens die akademiese rangorde van universiteite van THE 2021. [5] Daarbenewens bied die Fakulteit Sosiale en Gedragswetenskappe 'n unieke tweejaar-Magisterprogram in Mediese Sielkunde (aangebied in Nederlands), waarin studente opgelei word as wetenskaplike kundiges in die mediese veld.

Geskiedenis

Die universiteit is in 1927 gestig. Aanvanklik was dit uitsluitlik 'n skool vir bedryfsadministrasie en -bestuur. Later is fakulteite soos regte (gestig in 1963), sosiale en gedragswetenskappe (ook in 1963), teologie en filosofie (1967) en uiteindelik die kunsskool (1981) opgeneem.

Ondanks die groei in die res van die fakulteite, is die fakulteit bedryfsadministrasie en -bestuur steeds die grootste van almal waaruit die universiteit bestaan, volgens die aantal studente.

In 2009 het die Universiteit 'n eredoktorsgraad aan Marlene van Niekerk toegeken.

Verwysings
  1. "Tilburg Universiteit Jaarverslag 2019" (PDF). Tilburg Universiteit (in Nederlands). 2020. p. 8. Besoek op 22 November 2020.
  2. "Economics rankings: Economics Departments - IDEAS/RePEc". ideas.repec.org. Besoek op 12 April 2020.
  3. "ShanghaiRanking's Global Ranking of Academic Subjects 2020 - Business Administration". Geargiveer vanaf die oorspronklike op 2 Julie 2017. Besoek op 12 April 2020.
  4. "ShanghaiRanking's Global Ranking of Academic Subjects 2020 - Finance". Geargiveer vanaf die oorspronklike op 2 Julie 2017. Besoek op 12 April 2020.
  5. "World University Rankings 2021 by subject: law". Besoek op 12 Januarie 2021.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.