Ulundi
Ulundi (wat beteken "die hoë plek") is die hoofstad van die Zululand-distriksmunisipaliteit en vorige hoofstad (saam met Pietermaritzburg) van KwaZulu-Natal, Suid-Afrika. Die dorp het 'n bevolking van 19 840 in 2011 gehad.[1]
Ulundi | |
|---|---|
  Ulundi Ulundi se ligging in KwaZulu-Natal | |
| Koördinate: 28°19′S 31°25′O | |
| Land |  Suid-Afrika |
| Provinsie | KwaZulu-Natal |
| Distrik | Zululand |
| Munisipaliteit | Ulundi |
| Stigting | 1873 |
| Oppervlak | |
| • Totaal | 16,62 km2 (6,42 vk. myl) |
| Hoogte | 540 m (1 770 ft) |
| Bevolking (2011)[1] | |
| • Totaal | 19 840 |
| • Digtheid | 1 194/km2 (3 090/vk. myl) |
| Rasverdeling (2011) | |
| • Wit mense | 0.2% |
| • Indiërs/Asiërs | 0.2% |
| • Bruin mense | 0.3% |
| • Swart mense | 98.9% |
| • Ander | 0.4% |
| Taal (2011) | |
| • Zoeloe | 93.4% |
| • Engels | 2.6% |
| • Ndebele | 1.1% |
| • Ander | 2.9% |
| Poskode (strate) | 3838 |
| Skakelkode | 035 |
Geskiedenis
In 1873 het Cetshwayo koning van die Zoeloes geword. Hy het sy kraal op die vlakte, naby die plek waar sy pa Mpande se kraal was, gebou en dit oNdini genoem. Ulundi is ook die plek waar die Anglo-Zoeloe-oorlog in 'n besliste nederlaag vir die Zoeloes geëindig het.
In Februarie 1879 neem Eugène Bonaparte, die seun van keiser Napoléon III van Frankryk, deel aan 'n Engelse ekspedisie na Afrika. Dit sou sy aansien verhoog en hom help om later die Franse troon te kan bestyg. Op 'n verkenningstog word hy egter deur die Zoeloes in 'n hinderlaag gelei en deur 18 spiese te Ulundi gedood.
Die baie belangrike steenkoolspoorlyn na Richardsbaai loop deur Ulundi.
Sien ook
Verwysings
- Op Pad in Suid-Afrika. B.P.J. Erasmus. 1995. ISBN 1-86842-026-4
- "Hoofplek Ulundi". Sensus 2011.
.svg.png.webp)
