USS Nautilus
Die USS Nautilus is die eerste kernaangedrewe duikboot en vaartuig wat ooit gebou is en het aan die Amerikaanse Vloot behoort. Die Nautilus was 'n konvensionele duikboot wat toegerus was met 'n kernaangedrewe enjin. Die Nautilus-projek is gedurende die 1952-begrotingsjaar deur die Amerikaanse Kongres goedgekeur.
_Groton_CT_2002_May_08.jpg.webp)
_underway_at_sea_in_June_1965.jpg.webp)
| Vaartuig klas | geen waarde |
|---|---|
| Kort naam | Nautilus |
| Vernoem na | USS Nautilus |
| Land | Verenigde State van Amerika |
| Geleë in administratiewe eenheid | Groton |
| Geografiese ligging | 41°23′13″N 72°5′17″W |
| NAVO-kodenaam | Nautilus |
| Operateur | Amerikaanse Vloot |
| Vervaardiger | General Dynamics |
| Gebruik | Oorlogsskip |
| Erfenisbenaming | National Historic Landmark, National Register of Historic Places listed place |
| Teken nommer | SSN-571 |
Tegniese besonderhede
Die duikboot het 3 764 ton water verplaas op die oppervlakte en 4 040 ton onder die water. Dit was 97,4 m lank, 8,4 m op sy wydste met 'n diepgang van 6,7 m. Dit was toegerus met ses 21-duim torpedobuise in die boeg. Energie is verskaf deur een S2W-reaktor wat twee Westinghouse-stoomturbines aangedryf het. Die turbines het 15 000 dryfasperdekrag aan twee skroewe gelewer, wat 'n onderwatersnelheid van 28 knope verseker het.
Reaktor
Die aanvanklike ontwerp vir kernaangedrewe duikbootenjins is gedurende 1948 deur Argonne National Laboratory begin en is deur Bettis Atomic Power Laboratory by Westinghouse voortgesit. Dit het gelei tot die lewering van die Duikboot Termiese Reaktor wat bekend gestaan het as S2W. Die reaktor het hoëdrukwaterverkoelingsmetodes gebruik. Dié ontwerp het vir die volgende dekade die basis van kernaangedrewe duikbote in die Amerikaanse Vloot gevorm.
Ontwerp
Die duikboot se ontwerp is gebaseer op die Duitse Tipe XXI-duikboot van die Tweede Wêreldoorlog. Die ontwerp verseker hoë werkverrigting onderwater maar ten koste van spoed en beweeglikheid.
Geskiedenis
Die duikboot is te water gelaat op 21 Januarie 1954 en in diens gestel op 17 Januarie 1955. Teen Augustus 1958 was daar genoeg vertroue in sy werkverrigting en die duikboot vaar suksesvol onderdeur die Noordpool op 3 Augustus.
Bron
- The Encyclopedia of Sea Warfare. Spring Books. 1975. ISBN 0-600-33111-3
- The US Warmachine. Salamander Books. 1979. ISBN O-86101-016-7
Sien ook
 |
Wikimedia Commons bevat media in verband met USS Nautilus (SSN-571). |