USS Long Beach (CGN-9)
Die USS Long Beach was 'n kruiser van die Amerikaanse Vloot en die eerste oppervlakskip wat deur kernkrag aangedryf is. Dit is ook slegs toegerus met begeleide missiele en was die enigste skip van sy soort.
_underway_at_sea%252C_circa_in_the_1960s.jpg.webp)
| Vaartuig klas | Long Beach-class cruiser |
|---|---|
| Kort naam | Long Beach |
| Vernoem na | Long Beach |
| Geleë in administratiewe eenheid | Washington |
| Geografiese ligging | 47°33′16″N 122°38′26″W |
| Operateur | Amerikaanse Vloot |
| Vervaardiger | Bethlehem Steel |
| Ligging van vervaardiging | Quincy |
| Vlagstaat | Verenigde State van Amerika |
Geskiedenis
Aanvanklik is die skip in 1956 ontwerp as 'n fregat van 7 800 ton met een grond-tot-lug missiellanseerder. Ná voltooiing in 1961 het die skip 14 200 ton verplaas en is met heelwat meer missiele toegerus. Dit het VS$333 miljoen gekos. Die Long Beach het in 1964 geskiedenis gemaak toe hy saam met die reuse USS Enterprise vliegdekskip en USS Bainbridge kruiser in 65 dae om die wêreld gevaar het sonder om eenkeer te stop.
Aandrywing
Die skip is deur twee Westinghouse CIW reaktors via twee stoomturbines aangedryf. Elke reaktor lewer ongeveer 40 000 dryfasperdekrag wat 'n maksimumspoed van oor die 30 knope verseker.
Voorkoms
Die skip se brug is gehuisves in 'n vierkantige toring wat baie lyk soos die eiland van die USS Enterprise. Dit het ook geen skoorsteen nie.
Bron
 |
Wikimedia Commons bevat media in verband met USS Long Beach (CGN-9). |
- The US War Machine. An encylopedia of American military equipment and strategy. Salamander Books. ISBN 0 86101 016 7