Tydelik Terminaal
Tydelik Terminaal is 'n ligte dramareeks wat handel oor hoe 'n twee-en-twintig-jarige honneursstudent die lewe navigeer nadat sy met kanker gediagnoseer is.
| Tydelik Terminaal | |
| Genre | Drama |
|---|---|
| Geskryf deur | Elanie Rupping |
| Taal | Afrikaans |
| Aantal seisoene | 1 |
| Aantal episodes | 13 |
| Produksie | |
| Looptydperk | 23 minute (omtrent) |
| Produksiemaatskappy | Nouvanaand Films |
| Uitsending | |
| Oorspronklike kanaal | kykNET |
| Beeldformaat | HD |
| Oorspronklike lopie | 30 Oktober 2019 |
Tydelik Terminaal is voorheen op Woensdagaande op KykNET, DStv kanaal 144 uitgesaai.
Die reeks is ook beskikbaar op DStv Now.
Reekse
| Reeks | Episodes | Oorspronklik uitgesaai | ||
|---|---|---|---|---|
| Eerste uitgesaai | Laaste uitgesaai | |||
| 1 | 13 | 30 Oktober 2019 | 22 Januarie 2020 | |
Produksie
Die reeks speel af oor die ses maande waartydens sy chemoterapie ondergaan, besties raak met die oues van dae, haar studies probeer voltooi, en boonop onverwagse lewenservaring en wysheid opdoen.
Tydelik Terminaal put inspirasie uit die skepper van die reeks, Elanie Rupping, se eie stryd teen kanker. Etienne Fourie behartig grootliks die regie van die reeks.
Rolverdeling
- Carla Smith as Kittie Claassen
- Eve Rasimeni as Mandy Cilliers
- Hendrik Nieuwoudt as Fanie Nortje
- Arno Greef as Drikus Naude
- Almar Muller as Joubert Muller
- Anna-Mart van der Merwe as Julie Harrison
- Frank Opperman as Len Harrison
- Ruan Blum as Louis Els
- Henrietta Gryffenberg as Suzet Holtzhauzen
Episodes
Reeks 1 (2019)
| No. algeheel | No. in reeks | Episode | Oorspronklike uitsaaidatum |
|---|---|---|---|
| 1 | 1 | Kittie is gereed om haar laaste maande op kampus aan te pak. Daar is 'n feestelikheid in die lug en sy, Fanie en Mandy maak gereed vir 'n blink toekoms. Dan kom die nuus wat alles verander. | 30 Oktober 2019 |
| 2 | 2 | Kittie gaan vir haar eerste chemobehandeling en het 'n ontmoeting wat na 'n ligpunt lyk. Mandy en Fanie ondersteun haar so bes moontlik, maar het ook opwindende verwikkelinge van hul eie. | 6 November 2019 |
| 3 | 3 | Kittie raak gefrustreerd en sukkel met die fisiese veranderinge wat sy ondergaan. Dinge begin kook tussen Mandy en Drikus, en Fanie probeer moed hou, al geniet hy nie sy internskap nie. | 13 November 2019 |
| 4 | 4 | Kittie sien baie uit na die kursus wat Marinda Malherbe kom aanbied, maar haar fisiese toestand dreig om dit te belemmer. Sy en Mandy sit vas, en Fanie besluit om 'n geleentheid aan te gryp. | 20 November 2019 |
| 5 | 5 | Kittie is verveeld en help Fanie om voor te berei vir sy oudisie. Hy help haar, in ruil, om die lewe aan te gryp. Mandy en Drikus sukkel met voorbereiding vir hulle skynhofsaak. | 27 November 2019 |
| 6 | 6 | Slegte nuus dreig om Kittie se musiekfeesplanne te kelder, maar 'n onverwagse held kom te voorskyn. Fanie kry goeie nuus en dinge tussen Mandy en Drikus blyk minder as rooskleuring te wees. | 4 Desember 2019 |
| 7 | 7 | Kittie kry 'n onverwagse gas. Joubert besluit om sin te probeer maak van Kittie se gedrag. Mandy kry 'n onwelkome verrassing en Fanie maak 'n groot besluit wat sy toekoms gaan affekteer. | 11 Desember 2019 |
| 8 | 8 | Kittie is afgemat en oorweeg om 'n aanlyn uitlaat vir haar emosies te kry. Almal is in rep en roer oor Fanie se groot aand, en Mandy is vasbeslote om bo haar teleurstelling uit te styg. | 18 Desember 2019 |
| 9 | 9 | Wrywing ontstaan tussen Kittie en Fanie oor sy houding. Joubert trek sy lyn in die sand. Mandy probeer haar gevoelens ontken tot 'n onverwagse persoon haar dwing om dit in die oë te staar. | 25 Desember 2019 |
| 10 | 10 | Kittie word op 'n reis van introspeksie gelei. Wat skynbaar die ergste ding is wat met Fanie kan gebeur word beredder danksy Mandy. Drikus se teenwoordigheid word onverwags weer gevoel. | 1 Januarie 2020 |
| 11 | 11 | 'n Aand waarna Kittie opsien word die baken van hoop waarna sy nie geweet het sy smag nie. Drikus smeek vir verfignis. Fanie bereik 'n mate van sukses en oorweeg dit om Kittie se vergewe. | 8 Januarie 2020 |
| 12 | 12 | Kittie is geskeur tussen haar opwinding vir haar groot onderhoud en haar hartseer oor Oom Len se begrafnis. Mandy en Drikus sit effens vas, en Fanie se moed word uiteindelik gebreek | 15 Januarie 2020 |
| 13 | 13 | Kittie moet vrede maak met haar lewe en omstandighede. Mandy ervaar 'n groot ontnugtering wat haar dwing om haar hele lewe te heroorweeg. 'n Blink nuwe geleentheid kom oor Fanie se pad. | 22 Januarie 2020 |
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.